धामणगावरेल्वे (जि. अमरावती) ः कोरोना योद्धा म्हणून कर्तव्य बजावणाऱ्या डॉक्टरचा दुचाकीच्या अपघातात मृत्यू झाला. ही घटना धामणगाव-यवतमाळ बायपास रस्त्यावर शनिवारी, ३ ऑक्टोबर रोजी रात्री १० वाजताच्या सुमारास घडली.
अमरावती जिल्ह्यात सध्या कोरोनाने हाहाकार उडविला असतानाच या काळात कोरोना योद्धा म्हणून डॉ. नितीन वेणूदास भारशंकर (वय ४८) हे अमरावती येथील सुपर स्पेशालिटी दवाखान्यात कर्तव्य बजावत होते. आपले कर्तव्य बजावून तो अमरावती येथून आपल्या राहत्या घरी धामणगाव रेल्वे येथे मोटारसायकलने परत येत होते.
धामणगावपासून अवघ्या एक किलोमीटर अंतरावर शनिवारी (ता. तीन) रात्री १० वाजताच्या सुमारास यवतमाळ बायपास रस्त्यावर अपघातग्रस्त दुचाकीजवळ ते बेशुद्ध अवस्थेत आढळून आले. त्यांना प्रथम येथील ग्रामीण रुग्णालयात उपचारार्थ भरती करण्यात आले. परंतु गंभीर दुखापत झाल्यामुळे त्यांना यवतमाळ येथील रुग्णालयात हलविण्यात आले. मात्र त्यांची उपचारादरम्यान प्राणज्योत मालवली.
येथील स्मशानभूमीत रविवारी (ता. चार) त्यांच्या पार्थिवावर दुपारी अंत्यसंस्कार करण्यात आले. मृत डॉ. नितीन भारशंकर यांची पत्नी डॉ. कल्पना भारशंकर या निंबोली येथील प्राथमिक आरोग्य केंद्रात वैद्यकीय अधिकारी म्हणून कार्यरत आहेत.
संपादन ः राजेंद्र मारोटकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.