गोंदिया ः जिल्ह्यात गुरुवारी, २७ ऑगस्टच्या रात्रीपासून शुक्रवारपर्यंत पावसाने दमदार हजेरी लावली. या पावसामुळे घर पडून एकाच कुटुंबातील चारजण जखमी झाले. ही घटना शुक्रवारी (ता. २८) दुपारी साडेतीन वाजताच्या सुमारास शहरातील भीमनगर परिसरात असलेल्या राधाकृष्ण वॉर्डात घडली. सुभाष मेश्राम (वय ३९), आशा मेश्राम (वय ३५), आर्यन मेश्राम (वय १३) आणि लकी मेश्राम (वय १०) अशी जखमींची नावे आहेत.
जिल्ह्यात आठवडाभरापासून कमी-अधिक प्रमाणात पाऊस पडत आहे. या संततधार पावसामुळे गुरुवारी रात्री व शुक्रवारी जिल्ह्याला झोडपून काढले. सततच्या पावसामुळे नदी-नाले आणि तलाव ओसंडून वाहू लागले आहेत. बऱ्याच ठिकाणी पूरसदृश परिस्थिती निर्माण झाली आहे. शुक्रवारी जिल्हा प्रशासनाने रेड अलर्ट सुद्धा जारी केला.
शहरासह ग्रामीण भागातील रस्त्यांना अक्षरशः तळ्याचे स्वरूप आले आहे. शेतातील बांध्यांमध्ये पाणी साचल्याने धानपीकही बुडाले. या पाण्याला वाट मोकळी करून देण्यात प्रत्येक शेतकरी व्यस्त होता.
सालेकसा तालुक्यातील बेवारटोला धरण, अर्जुनी मोरगाव तालुक्यातील नवेगावबांध जलाशय ओव्हरफ्लो झाले आहेत. या धरणांच्या पाण्याच्या विसर्गामुळे अनेक मार्ग बंद झाले आहेत. जिल्ह्यातील सात तालुक्यांत अतिवृष्टीची नोंद करण्यात आली आहे.
दरम्यान, या संततधार पावसात शुक्रवारी दुपारी भीमनगर राधाकृष्ण वॉर्डातील सुभाष मेश्राम यांचे घर कोसळले. यात त्यांच्यासह पत्नी व दोन मुले जखमी झाले. जखमींना तातडीने जिल्हा सामान्य रुग्णालयात भरती करण्यात आले असून त्यांच्यावर उपचार सुरू आहेत.
संपादन ः राजेंद्र मारोटकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.