बुलडाणा  : शिवचरित्रावर वाचन करण्याचे व्यसन त्यांना लागले. एक पुस्तक वाचल्यानंतर पुढे आणखी काय ? या उत्सुकतेतून या शिवप्रेमीने चक्क शेकडो दुर्मिळ ग्रंथ खरेदी केले, वाचले. ते ग्रंथ विकत आणण्यासाठी पुणे, मुंबई, गोवा, दिल्ली आणि कोलकत्याची पायपीट केली. आज शेकडो ग्रंथांनी त्यांचे दालन समृद्ध केले आहे. या जुन्या ग्रंथांची प्रदर्शनी शिवजयंतीनिमित्त 17 फेब्रुवारी रोजी जिजामाता क्रीडा संकुल येथे करण्यात आली आहे. या ध्येयवेड्या मावळ्याचे नाव आहे प्रमोद टाले.

हे वाचा - मतदानाला फाटा; विषय समित्या बिनविरोधात
दुर्मिळ पुस्तकांचे होणार प्रदर्शन
जिल्हा रुग्णालयात पेशाने जिल्हा एड्स अधिकारी म्हणून कार्यरत असलेल्या श्री. टाले यांच्या दुर्मिळ पुस्तकांचे प्रदर्शन शिवजयंती निमित्त आयोजित शस्त्र प्रदर्शना दरम्यान होत आहे. इतिहास अभ्यासक, संशोधक, विद्यार्थी, इतिहासाचे प्राध्यापक, शिवप्रेमी यांच्यासाठी ही वैचारिक मेजवानी आहे. शिवचरित्र समजून घेण्यासाठी सामान्य वाचक कथा, कादंबरी, मालिका यापलीकडे जात नाही. परंतु शिवचरित्र हे अगाध आहे. 

क्लिक करा - अकोला महापालिकेची चौकशी का होणार आणि कोण करणार
तरी या पलीकडेही शिवराय
शिवरायांचा इतिहास इंग्रजी इतिहासकार ग्रॅट डफ याने मांडला आणि जगातील संशोधकांची नजर शिवचरित्राकडे गेली. तत्पूर्वी डच इतिहासकार, र्फेंच इतिहासकार, पोर्तुगीज इतिहासकार आदींनी तत्कालीन मांडणी केली. तर भारत इतिहास संशोधक मंडळाने शिवचरित्रावर मांडणी केली. रियासतकार सरदेसाई, वि. का. राजवाडे, गो. स. सरदेसाई, जयसिंगराव पवार, सर जदुनाथ सरकार आदींनी शिवराय आपल्या आपल्या परीने मांडले असले तरी या पलीकडेही शिवराय आहेतच. या सर्व दुर्मिळ ग्रंथांना प्रमोद टाले यांनी आपल्या वाचन संग्रहालयात स्थान दिले आहे.

ग्रंथ मिळण्यासाठी सहकार्य
ताराबाई पेपर्स, शाहू पेपर्स, मराठ्यांची प्रशासकीय व्यवस्था, मराठ्यांची सैन्य व्यवस्था, मराठ्यांचा गनिमी कावा आदी विषयांवरील ग्रंथ अभ्यासणे हे खरे तर एखाद्या कसलेल्या संशोधकांचे काम. टाले यांनी ही सर्व ग्रंथ अभ्यासली असून शिवप्रेमातून झपाटल्यागत वाचन त्यांचे सुरू आहे. या सर्व ग्रंथाची प्रदर्शनी व संशोधकांना ग्रंथ हवे असल्यास नोंदणी यावेळी केली जाणार असल्याचे प्रमोद टाले यांनी सांगितले.