रावणवाडी (जि. गोंदिया) : कोरोना विषाणूचा प्रादुर्भाव रोखण्यासाठी लॉकडाउनचे आदेश शासनाने दिले आहेत. मात्र या लॉकडाउनचा फटका शेतकऱ्यांना बसला आहे. गर्भावस्थेतील धानपिकाला वाचविण्यासाठी रासायनिक खते कृषी केंद्रांत उपलब्ध नाहीत. त्यामुळे यंदाचा हंगाम धोक्यात येण्याची शक्यता नाकारता येत नाही.
सद्यःस्थितीत हे धान पीक गर्भावस्थेत आहेत. धानपीक गर्भावस्थेत असताना काही दिवसांतच लोंबीवर येणार आहेत. याकरिता या पिकाला जगविण्यासाठी शेतकऱ्यांची धावाधाव सुरू आहे. खते मिळत नसल्याने शेतकऱ्यांनी पीकतरी कसे वाचवावे? असा प्रश्न पडला आहे.
दरम्यान, येत्या काही दिवसांत खते न मिळाल्यास उत्पादनात कमालीची घट येण्याची शक्यताही शेतकऱ्यांनी वर्तविली आहे. जिल्हा प्रशासनाने दखल घेऊन रासायनिक खते उपलब्ध होतील, अशी पर्यायी व्यवस्था करावी, अशी मागणी शेतकरी करीत आहेत.
ग्रामीण भागांत काही कृषी संचालकांनी रासायनिक खतांचा साठा करून ठेवला आहे. सद्यःस्थितीत गरज लक्षात घेता कृषी संचालक चढ्या दराने खताची विक्री करीत असल्याची माहिती आहे. 300 रुपयांची युरियाची बॅग 400 रुपयांना विकली जात आहे.
साठेबाजांवर कारवाई व्हावी
बहुतांश कृषी केंद्रांत खते उपलब्ध आहेत. परंतु, साठेबाज कृषी संचालक चढ्या दराने खतांची विक्री करीत आहेत. अशा साठेबाजांवर कारवाई होणे गरजेचे आहे.
- यशवंत लिल्हारे, शेतकरी, मुरपार.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.