यवतमाळ : शाळेत भेटण्यासाठी आलेल्या वडिलासोबत बोलण्यास मुलीने नकार दिल्याने चिडलेल्या वडिलाने वर्गखोलीत शिरून मुलीला मारहाण करीत गंभीर जखमी केले. ही घटना मंगळवारी (ता. तीन) दुपारी तीनला येरंडगाव येथील जिल्हा परिषदेच्या शाळेत घडली.
अश्विनी मनोज शेडमाके (वय 11) असे जखमी मुलीचे नाव आहे. मनोज शेडमाके याचा पत्नीसोबत वाद झाला होता. रागामुळे महिला माहेरी निघून गेली. मुलगी गावात आजीकडे राहत होती. आपल्याला आईला आणण्यासाठी गावी जायचे आहे, तू माझ्यासोबत चल, असे वडिलांचे म्हणणे होते.
मात्र, मुलीने वडिलासोबत बोलण्यास नकार दिल्याने चिडलेल्या वडिलाने वर्गखोलीत प्रवेश केला. हातातील काठीने मुलीच्या डोक्यावर, कपाळावर, चेहऱ्यावर मारहाण करीत जिवे मारण्याचा प्रयत्न केला. या घटनेमुळे शाळेत खळबळ उडाली.
मुख्याध्यापक सुभाष जयवंतराव चौधरी (वय 54, रा. येरंडगाव) यांनी पारवा पोलिसांत तक्रार दिल्याने मनोज महादेव शेडमाके (वय 38, रा. येरंडगाव, ता. घाटंजी) याच्याविरुद्ध गुन्हा नोंद केला. घटनेची गंभीर दखल घेत मनोज शेडमाकेला अटक केल्याची माहिती पारवाचे ठाणेदार गोरख चौधर यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.