अमरावती : शहरालगत असलेल्या शिराळा गावापासून सुरू झालेले आयपीएल सट्ट्याचे धागेदोरे यवतमाळ जिल्ह्यातील नेरपरसोपंत गावापर्यंत जुळलेले असल्याची बाब उघडकीस आली आहे. शुक्रवारी (ता. दोन) रात्री क्रिकेट सट्टा चालविणाऱ्या चौघांना गुन्हे शाखेने अटक केली.
सचिन सुभाष नावंदर(वय 40), आशीष गणेश शेलोरकर(वय 30), अमोल ऊर्फ अतुल मोहोड (तिघेही रा. शिराळा), शुभम प्रकाश जयस्वाल (वय 25, रा. नेरपरसोपंत, जि. यवतमाळ), अशी अटक चौघांची नावे असल्याचे पोलिसांनी सांगितले. जयस्वाल याला गुन्हे शाखेच्या पथकाने नेरपरसोपंत येथून ताब्यात घेतले. शिराळा येथील दोघे गावात, तर एक अमरावती शहरात राहतो. त्यापैकी एकाचे गावात किराणा दुकान आहे. शुक्रवारी (ता. दोन) आयपीएल क्रिकेट स्पर्धेतील चेन्नई सुपर किंग्ज व सनराईज या दोन संघामध्ये सामना सुरू होता. आधी पोलिसांनी किराणा दुकानातील आयपीएल सामन्याच्या कालावधीत मोबाईलवर संपर्क साधणाऱ्यांची नावे लिहून घेतली. प्रकरणी संबंधित दुकानदाराला आधी अटक केली. त्यानंतर गावातील दुसऱ्याला अटक केली.
शिराळा येथील दोघे घेतलेल्या सट्ट्याची माहिती अमरावतीत राहणाऱ्या आपल्या साथीदाराला द्यायचे. हा व्यक्ती पुढील आकडेमोडीची माहिती यवतमाळ जिल्ह्यात नेरपरसोपंत येथील आपल्या तिसऱ्या साथीदारापर्यंत पोहोचवित होता. नेरपरसोपंत येथील जयस्वाल हा पुढे क्रिकेट सट्ट्याची आकडेमोड कुणाला देत होता याबाबतची माहिती त्याने पोलिसांनादेखील दिली नव्हती. घटनास्थळावरून एक एलईडी, 15 हजार 980 रुपयांची रोख रक्कम, सहा मोबाईल, सेटटॉप बॉक्स, अशी 81 हजार 840 रुपयांची सामग्री जप्त केली. चौघांविरुद्ध जुगार प्रतिबंधक कायद्यान्वये वलगाव ठाण्यात गुन्हा दाखल करण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.