भिसी (जि. चंद्रपूर) : ग्रामपंचायतीचे सरपंच, उपसरपंच काही दिवसांपूर्वीच लाचेत अडकले होते. त्याचे पडसाद शुक्रवारी (ता. ३१) झालेल्या मासिक सभेत उमटले. लाचेबाबत काही सदस्यांनी सभेत विचारणा केली. त्यामुळे सरपंच आणि सदस्यांत चांगलीच जुंपली. शेवटी परिस्थिती बिघडत चालली असल्याचे बघून सरपंचाने पोलिसांना पाचारण केले. या घटनेचा काही सदस्यांनी निषेधही केला आहे. एखाद्याला कामानिमित्त लाच मागून त्याचे काम करण्याचा विडा पदा
भिसीच्या सरपंच योगिता गोहणे आणि उपसरपंच लीलाधर बन्सोड यांना 22 जुलै रोजी लाच घेताना लाचलुचपत प्रतिबंधक विभागाने रंगेहाथ पकडले होते. या घटनेने सरपंच, उपसरपंचाविषयी गावकरी, सदस्यांत रोष निर्माण झाला होता. त्यात ग्रामसचिवाने शुक्रवारी (ता.३१) अचानक सभेचे आयोजन केले. या सभेला सतरापैकी पंधरा ग्रामपंचायत सदस्य हजर होते.
प्रारंभी चार महिन्यांपासून सभा का बोलविली नाही, यावर काही सदस्यांनी प्रश्न उपस्थित केला. हा मुद्दाही सभेत चांगलाच गाजला. त्यानंतर 22 जुलै रोजी सरपंच आणि उपसरपंच लाचलुचपत प्रतिबंधक विभागाच्या जाळ्यात अडकले, अशी विचारणा सदस्यांनी केली.
याच मुद्द्यावरून सरपंच, सदस्यांत चांगलीच जुंपली. त्यामुळे परिस्थिती चिघळत असल्याचे दिसताच सरपंचाने पोलिसांना पाचारण केले. लोकशाहीत आम्हाला कोणतेही प्रश्न उपस्थित करू देत नाही. ते विचारणा केले असताना पोलिसांना बोलावून दाबून टाकले जातात, असे म्हणून राजू गभणे, देवेंद्र मुंगले, राजू सातपैसे, पंकज रेवतकर, मीरा काळे, अविनाश रोकडे, भावना वाघ, विजय नन्नावरे या सदस्यांनी सभात्याग करून घटनेचा निषेध नोंदविला.
(संपादन : दुलिराम रहांगडाले)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.