बेलोरा (जि. अमरावती ) ः अल्पवयीन मुलीला लग्नाचे आमीष दाखवून जीवे मारण्याची धमकी दिल्यामुळे सात महिन्याच्या गर्भवती युवतीने विषारी औषध प्राशन केले. प्रकृती गंभीर असल्याने तिला उपचारासाठी इर्विन रुग्णालयात दाखल करण्यात आले.
शिरीष बंड (वय 28) असे अत्याचार, जीवे मारण्याची धमकी दिल्याप्रकरणी गुन्हा दाखल असलेल्या संशयित आरोपीचे नाव असल्याचे पोलिस निरीक्षक दीपक वळवी यांनी सांगितले. पीडित मुलीच्या आईने चांदूरबाजार ठाण्यात तक्रार दिली. शिरीषने पीडितेपुढे लग्नाचा प्रस्ताव ठेवला. वारंवार भेटी घेऊन त्याने पीडितेवर बळजबरीने अत्याचार केला, असे तक्रारीत नमूद करण्यात आले.
11 ऑक्टोबरला पीडितेची प्रकृती बिघडल्यामुळे पालकांनी तिला उपचारासाठी चांदूरबाजारच्या ग्रामिण रुग्णालयात दाखल केले. त्यावेळी पीडित गर्भवती असल्याचे कळते. पीडितेच्या आईने शिरीषला जाब विचारला असता त्याने अल्पवयीन मुलीवर ओढवलेल्या प्रसंगाला आपण जबाबदार नसल्याचे सांगितले. मुलीला जीवे मारण्याची धमकी दिल्याने तिने विषारी औषध प्राशन केले. असे तिच्या आईने पोलिसात दाखल तक्रारीत म्हटले.
त्यानंतर तिला आधी इर्विन रुग्णालयात व तेथून खासगी रुग्णालयात हलविले. तक्रार दाखल झाल्यावर पोलिसांनी शिरीष बंड विरुद्ध अत्याचारासह, बाललैंगिक अत्याचार प्रतिबंधक कायदा, जीवे मारण्याची धमकी दिल्याप्रकरणी गुन्हा दाखल केला.
पीडितेसह तिच्या आईला तक्रार नोंदविण्यासाठी आधीच सांगितल्या गेले होते. गुन्हा दाखल झाल्याने आवश्यक तपास केल्या जाईल.
- दीपक वळवी,
पोलिस निरीक्षक, चांदूरबाजार ठाणे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.