अमरावती : बरेच दिवसांपासून सुरू असलेल्या प्रेमसंबंधानंतर त्याने युवतीपुढे लग्नाचा प्रस्ताव ठेवला. तिने होकार न देता त्याचा मोबाईलनंबरच ब्लॅकलिस्टमध्ये टाकला. लग्न करण्याच्या आशेवर असलेला युवक चिडला. त्याने आपल्या प्रेयसीला आत्महत्या करण्याची धमकीच दिली.
जिल्ह्यातील वलगाव ठाण्याच्या हद्दीतील सुकळी गावात ही घटना घडली. शुभम हरिदास गजभिये (वय 26) याचे एका युवतीसोबत प्रेमसंबंध होते. दोघांमध्ये अनेक दिवसांपासून मोबाईलवरच गप्पा सुरू होत्या. एक महिन्यापासून शुभमने त्या युवतीपुढे लग्नाबाबत आग्रह धरला. तीने त्याला टाळले. त्यामुळे त्याने परत-परत फोन करून होकार न कळविल्यास आत्महत्या करण्याची धमकी दिली. सततच्या त्रासाला कंटाळलेल्या युवतीने युवकाच्या मोबाईल क्रमांकावर प्रतिसाद न देता तो ब्लॅकलिस्टमध्ये टाकला.
शुभमकडून त्रास होत असल्याने युवती शेजारच्या गावात आपल्या नातेवाइकाकडे गेली. शुभमने शेजारच्या गावात युवतीला गाठले. तिला दुसऱ्या मोबाईल क्रमांकावरून पुन्हा फोन करून लग्नाचा होकार न कळविता नंबर ब्लॅकलिस्टमध्ये टाकल्यामुळे जाब विचारला. अखेर आत्महत्या करून गुन्ह्यात फसविण्याची धमकीही युवतीला दिली. एवढेच नव्हे तर, तिच्याजवळ असलेला मोबाईलही त्याने बळजबरीने हिसकावून घेतला. पीडितेने वलगाव ठाण्यात धाव घेऊन तक्रार नोंदविली. पोलिसांनी शुभमविरुद्ध लुटमार, विनयभंगासह जीवे मारण्याची धमकी दिल्याप्रकरणी गुन्हा दाखल केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.