अमरावती ः शिक्षण हा केंद्र व राज्य या दोन्हींच्या अधिकारातील प्रश्‍न असताना नवीन धोरण निश्‍चित करताना राज्यांना विश्‍वासात घेण्यात आले नाही. हे शैक्षणिक धोरण गरिबांवरील फार मोठे संकट असून या धोरणाशी राज्याने शंभर टक्‍के सहमत होऊ नये, असे प्रतिपादन श्रीशिवाजी शिक्षण संस्थेचे अध्यक्ष हर्षवर्धन देशमुख यांनी केले.

शिक्षणमहर्षी डॉ. पंजाबराव उपाख्य भाऊसाहेब देशमुख यांच्या जयंती उत्सवानिमित्त श्री शिवाजी शिक्षण संस्थेतर्फे आयोजित संस्थेच्या ‘शिवाजी डॉट लाइव्ह’ या यू-ट्यूब वाहिनीचा शुभारंभ, संस्थेची दैनंदिनी आणि शिवसंस्था त्रैमासिकच्या जयंती विशेषांकाच्या प्रकाशन कार्यक्रमात ते बोलत होते. संस्थेच्या मुख्य कार्यालयातील सभागृहात झालेल्या या कार्यक्रमाला संस्थेचे उपाध्यक्ष ॲड. गजानन फुंडकर, कोषाध्यक्ष दिलीप इंगोले, कार्यकारिणी सदस्य हेमंत काळमेघ, केशव मेतकर, प्राचार्य केशव गावंडे, माजी न्यायाधीश अशोक ठुसे, सचिव शेषराव खाडे, स्वीकृत सदस्य प्राचार्य डॉ. वि. गो. ठाकरे, नरेशचंद्र पाटील, डॉ. अमोल महल्ले आदी प्रामुख्याने उपस्थित होते. 

खुशखबर! आता घर आणि दुकानांनाही मिळणार स्टार रेटिंग; करात मिळणार सुट; राज्यात पहिलाच प्रयोग
 

संस्थेचे उपाध्यक्ष नरेशचंद्र ठाकरे व डॉ. रामचंद्र शेळके हे ऑनलाइनच्या माध्यमाने या कार्यक्रमात सहभागी झाले. या कार्यक्रमात वीर उत्तमराव मोहिते लिखित ‘जागतिक कृषक क्रांतीचा उद्‌गाता’ या पुस्तकाच्या नवीन आवृत्तीचे प्रकाशन आणि डॉ. मंदा नांदूरकर यांच्या मातोश्री विमलाबाई देशमुख, या पुस्तकाचे प्रकाशनसुद्धा करण्यात आले.

खुशखबर! गडचिरोलीतील गर्भवती महिलांची पायपीट थांबणार, आता तालुक्यातच मिळणार सुविधा  
 

कार्यक्रमाचे संचालन डॉ. मंदा नांदूरकर यांनी, तर हेमंत काळमेघ यांनी प्रास्ताविक केले. आभार संस्था सचिव शेषराव खाडे यांनी मानले. कार्यक्रमाला संस्थेचे आजीवन सदस्य अशोक देशमुख, प्रभाकर फुसे, वीर उत्तमराव मोहिते यांच्या कन्या भाग्यरेखा देशमुख, प्राचार्य डॉ. संयोगीता देशमुख, प्राचार्य डॉ. शशांक देशमुख, शिवसंस्था त्रैमासिकाचे कार्यकारी संपादक डॉ. कुमार बोबडे, संस्थेतील अधिकारी व कर्मचारी उपस्थित होते.
 

संपादन ः राजेंद्र मारोटकर