कोरपना (जि. चंद्रपूर) : गडचांदूर येथील वॉर्ड क्रमांक पाचमधील माटे फर्निचरचे संचालक अशोक माटे यांच्या घराला अचानक आग लागली. या आगीत घरासह घरातील लाखो रुपयांचे मौल्यवान साहित्य जळून खाक झाले.
ही घटना रविवारी (ता. ३०) सकाळी साडेदहा वाजताच्या सुमारास घडली. घटनेची माहिती मिळताच गडचांदूर पोलिसांनी धाव घेत माणिकगड सिमेंट कंपनीच्या अग्निशमन दलाला पाचारण केले. त्यानंतर आग आटोक्यात आणण्यात आली. सुदैवाने या घटनेत कोणतीही जीवितहानी झाली नाही.
गडचांदूर शहरातील विद्यानगरी वॉर्ड क्रमांक पाचमध्ये अशोक माटे यांचे घर आहे. घरासमोरील शेडमध्ये ते फर्निचरचे काम करीत होते. सकाळी १०.३० वाजताच्या सुमारास घराला आग लागल्याची बाब शेजाऱ्यांच्या निदर्शनास आली. त्यानंतर माटे कुटुंबीयांनी पोलिस ठाण्यात आगीची माहिती दिली. पोलिस निरीक्षक गोपाल भारती यांनी सहकाऱ्यांसह घटनास्थळी दाखल होऊन माणिकगड सिमेंट कंपनीकडे अग्निशमन दलाची मागणी केली.
अग्निशमन दलाच्या कर्मचाऱ्यांनी घटनास्थळ गाठून आगीवर नियंत्रण मिळविले. मात्र, आगीत प्लायवूड, मशीन, तीन मोटारसायकली व अन्य साहित्य जळून खाक झाले. या घटनेत सुदैवाने कोणतीही जीवितहानी झाली नाही. मात्र, माटे कुटुंबीयांचे सुमारे 16 लाख रुपयांचे नुकसान झाले आहे. आग शॉर्टसर्किटने लागल्याचा अंदाज वर्तविला जात आहे. पुढील तपास उपविभागीय अधिकारी विलास यामावार यांच्या मार्गदर्शनात ठाणेदार गोपाल भारती करीत आहेत.
संपादन ः राजेंद्र मारोटकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.