सावली (जि. चंद्रपूर) : सावली परिक्षेत्राअंतर्गत असलेल्या कापसी गावाजवळील वनविभागाच्या कक्ष क्रमांक 201 मधील 11 केव्ही विद्युत तारेद्वारे करंट लावून वन्यप्राण्याची शिकार करण्यात आल्याची माहिती चंद्रपूर वनविभागातील चमूला मिळाली. त्यांनी घटनास्थळ गाठले.
चौकशीदरम्यान वन्यप्राण्यांचे हाड जप्त करण्यात आले. त्यानंतर वनविभागाच्या चमूने तपास सुरू केला आहे. तपासात अजय भोजराज मेश्राम, सुरेश विठ्ठल गेडाम, रमेश श्रीरंग भोयर यांना ताब्यात घेण्यात आला.
शिकार करण्यात आलेला वन्यप्राणी कोणता आहे, याचा तपास वनविभाग करीत आहे. तिन्ही आरोपीविरुद्ध वन्यजीव संरक्षण अधिनियम 1972 अंतर्गत वनगुन्हा नोंदविला आहे. त्यांना न्यायालयात हजर करण्यात आले.
एक फेब्रुवारीपर्यंत त्यांना वनकोठडी सुनावण्यात आली आहे. तपास विभागीय वनाधिकारी ए. एल. सोनकुसरे यांच्या मार्गदर्शनाखाली सहाय्यक वनसंरक्षक एस. एल. लखमावाड, वनपरिक्षेत्राधिकारी जी. व्ही. धाडे करीत आहेत.
या प्रकरणाच्या तपासासाठी वनविभागाची चमू सावली येथे दाखल झाली आहे. त्यांनी आरोपींची कसून चौकशी केली. चौकशीत वर्धा जिल्ह्यातील समुद्रपूर तालुक्यातील हळदगाव येथील एकाचे नाव त्यांनी उघड केले. वनविभागाच्या चमूने हळदगाव गाठून एकाला ताब्यात घेतले. त्याच्याकडून वाघाचा पंजा, नख जप्त करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.