वर्धा : येथील कारागृहात हत्येच्या गुन्ह्यातील शिक्षा भोगत असताना कैद्याने दुपट्ट्याने गळफास लावून आत्महत्या केली. गोपीचंद रामचंद्र डहाके (वय ३८, रा. उमरखेड, जि. वर्धा) असे मृताचे नाव आहे.
पोलिसांनी दिलेल्या माहितीनुसार, यवतमाळ जिल्ह्याच्या मूळचा उमरखेड तालुक्यातील असलेला गोपीचंद रामचंद्र डहाके हा दीड वर्षापासून वर्ध्यात जन्मठेपेची शिक्षा भोगत होता. यापूर्वी त्याने यवतमाळ, अमरावती येथे कारागृहात शिक्षा भोगली असल्याची माहिती आहे. पॅरोलवर सुटल्यावर कारागृहातील गैरहजेरीमुळे त्याला पुन्हा पॅरोलर सुटी मिळणार अथवा नाही, या चिंतेत तो होता. त्यामुळे त्याने नैराशेतून आत्महत्या केली असल्याची बाब समोर आली आहे.
वर्धा शहर पोलिसांनी याप्रकरणी गुन्हा दाखल केला आहे. तसेच मृतदेह शवविच्छेदनासाठी रुग्णालयात पाठविण्यात आला आहे. याप्रकरणी कारागृह प्रशासनाकडून शहर ठाण्यात गुन्हा दाखल करण्यात आला आहे.
खून प्रकरणी शिक्षा भोगत असतानाही त्याला पॅरोलवर सोडले होते. मात्र, पॅरोलवर सुटी घेत तो बराच काळ परत आला नाही. आता आपल्याला परत पॅरोल मिळणार नाही, हे त्याला समजले होते. यामुळे तो चिंतेत होता. याच नैराश्यातून त्याने आत्महत्या केली असावी असा संशय पोलिसांनी व्यक्त केला आहे.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.