धाबा (जि. चंद्रपूर) : विहिरीचे खड्डे बुजवून परत येताना धावत्या जेसीबीचा चालक अचानक जमिनीवर कोसळला. यात घटनेत चालकाच्या डोक्‍यावरून जेसीबीचे चाक गेल्याने चालकाचा घटनास्थळीच मृत्यू झाला. विशेष म्हणजे, चालकविरहीत असलेली जेसीबी जवळपास एक किलोमीटर अंतरावर जाऊन थांबली.
हा विचित्र अपघात धाबा गावापासून चार कि.मी.अंतरावर असलेल्या चेक सोमनपल्ली शेतशिवारात शुक्रवारी, 13 मार्च रोजी घडला. तिरुपती बोबाटे असे मृत चालकाचे नाव आहे. गोंडपिपरी तालुक्‍यात विविध योजनांमार्फत विहीर मंजूर झाल्या आहेत. विहिरीचे बांधकाम झाले आहेत. विहिरीसाठी खोदताना निघालेली माती जेसीबीच्या साह्याने बुजविणे सुरू आहे. जेसीबी पोडसा येथील प्रवीण घ्यार यांच्या मालकीची आहे.
शुक्रवारी दिवसभर जेसीबीने माती बुजविण्याचे काम सुरू होते. सायंकाळी सहा वाजताच्या सुमारास काम आटोपल्यावर जेसीबी घेऊन चालक तिरुपती बोबाटे घराकडे निघाला होता. तो तेलंगणातील टोकनी पारगाव येथील रहिवासी होता. घराकडे निघालेली जेसीबी अचानक मागे आली अन् चालक तिरुपती जमिनीवर कोसळला. जेसीबीचे चाक तिरुपतीच्या डोक्‍यावरून गेल्याने त्याचा घटनास्थळीच मृत्यू झाला. विशेष म्हणजे, चालक नसतानाही जेसीबी जवळपास एक कि.मी. अंतर धावत राहिली, त्यानंतर जाऊन थांबली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.