गडचिरोली : धानोरा तालुक्‍यातील काकडयेली गावातील तुळशीबाई हलामी शनिवारी पहाटे साड़ेपाच वाजताच्या सुमारास घरानजीक असलेल्या शेतात शौचास गेली होती. परत येताना तिला कुत्रासदृश्य प्राणी दिसला. त्यामुळे तिने काठी मारली. मात्र, तो प्राणी समोर येताच अंगाचा थरकाप उडाला.
तुळशीबाई हलामी (वय ७०) शनिवारी पहाटे साड़ेपाच वाजताच्या सुमारास घरानजीक असलेल्या शेतात शौचास गेली होती. ती वृद्ध असल्याने हातात काठीचा आधार घेऊन जात होती. परत येताना थोडा काळोखच असल्याने वाटेत दबा धरून बसलेल्या बिबट्याला तिने चक्‍क कुत्रा समजून काठी मारली. त्यामुळे चिडलेल्या बिबट्याने तिच्यावर हल्ला केला. तिने आरडाओरड करताच घराजवळील लोकांनी धाव घेतल्याने बिबट्या पळून गेला. जखमी महिलेला ग्रामस्थांनी लगेच ग्रामीण रुग्णालय धानोरा येथे उपचारासाठी दाखल केले.
दुसरी घटना गडचिरोली तालुक्‍यातील कळमटोला येथे घडली आहे. सुनंदा भोयर ही महिला शनिवारी दुपारी ३ वाजताच्या सुमारास जंगलात केरसुणीचे गवत आणण्यासाठी चार महिला व तीन पुरुष सोबत गेली होती. ती गवत तोडत असताना अचानक वाघाने तिच्यावर हल्ला केला. ही महिला गंभीर जखमी असून तिला उपचारासाठी रुग्णालयात दाखल करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.