चंद्रपूर : जिल्हा मुख्यालयापासून आणि दुर्गापूर पोलिस स्टेशनच्या हद्दीत वरवट हे गाव येते. याच गावात कावडे कुटुंबीय राहतात. सोमवारी (ता. 27) सकाळी अकराच्या सुमारास कावडे यांचा चिमुकला चार वर्षीय मुलगा दीक्षान्त अंगणात खेळत होता. तेवढ्यात त्याचा मामा रंगनाथ गेडाम तिथे आला.
काही कळण्याच्या आताच त्याने दीक्षान्तच्या डोक्यावर लाकडी फळीने वार करणे सुरू केले. दीक्षान्तच्या डोक्याला जबर मार लागल्याने त्याचा जागीच मृत्यू झाला.
या घटनेची माहिती गावात पसरली आहे. गावकऱ्यांनी रंगनाथला गावातच एका जागी पकडून बांधले. त्याची चांगलीच धुलाई केली. त्यानंतर या घटनेची माहिती दुर्गापूर पोलिसांना देण्यात आली. माहिती मिळताच पोलिसांचे पथक वरवट या गावी दाखल झाले.
त्यांनी रंगनाथला ताब्यात घेतले. त्यानंतर मुलाचा मृतदेह जिल्हा सामान्य रुग्णालयात पाठविण्यात आले. या खुनाचे नेमके कारण काय होते, याचा अजूनही उलगडा झालेला नाही. पोलिस त्याचा शोध घेत आहेत.
दीक्षान्तला संपविणारा त्याचा मामा रंगनाथ हा मनोरुग्ण असल्याची माहिती आहे. याच अवस्थेतून त्याने आपल्या भाच्यावर लाकडी फळीने वार करून संपविले असल्याची शक्यता वर्तविली जात आहे. सध्या पोलिस खुनाचे कारण शोधत आहेत. घटनेचा अधिक तपास दुर्गापूर पोलिस करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.