आमगाव ( जि. गोंदिया) : टाळेबंदीमुळे अनेक दिवस दारूची दुकाने बंद होती. आता दारू मिळणे सुरू झाल्याबरोबर पिणा-यांनी अतिरेक करणे सुरू केले आहे.
मित्रासह दारू पीत असताना अचानक पोलिस आल्याचे पाहून पळालेल्या एका तरुणाचा विहिरीत मृतदेह सापडला. ही घटना आज, शनिवारी सकाळी ८ च्या सुमारास फुक्कीमेटा येथे उघडकीस आली.
डीलेश्वर श्रावण मेश्राम ( वय २०, रा. फुक्कीमेटा) असे मृताचे नाव आहे.
डीलेश्वर मेश्राम हा आपल्या एका मित्रासह १४ मे रोजी रात्री ८ च्या सुमारास गावशेजारील आडोश्याच्या जागेत दारू पीत होता. याचवेळी त्यांच्याजवळून पोलिसांची गाडी गेली. पोलिस आपल्याकडे आले असे वाटल्याने दोघेही पळाले. डीलेश्वर घरी पोहोचलाच नाही.
काल, शुक्रवारी शोध घेऊनही तो कुठेच न सापडल्याने अखेर कुटुंबियांनी पोलिसांत बेपत्ता असल्याची तक्रार दाखल केली. आज, सकाळी ८ च्या सुमारास निर्माणधीन गावशेजारील विहिरीत त्याचा मृतदेह तरंगताना आढळला. पुढील तपास आमगाव पोलिस करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.