बुलढाण्यात माणुसकीला काळीमा फासणारी घटना समोर आली आहे. बुलढाणा जिल्ह्यातील नांदूरा तालूक्यातील तरवाडी गावात अतिशय संतापजनक घटना घडली आहे. चॉकलेटचे अमिष दाखवत अडीच वर्षाच्या चिमुकलीवर १७ वर्षीय अल्पवयीन मुलाने लैंगिक अत्याचार केल्याची घटना समोर आली आहे.

अल्पवयीन मुलाने चिमुकलीवर लैंगिक अत्याचार केल्यानंतर तिच्या डोक्यात दगड घालून तिला जीवे मारण्याचा प्रयत्न केला. या घटनेत चिमुकली गंभीर जखमी झाली आहे. तिच्यावर सुरवातीला बुलढाणा सामान्य रूग्णालयात उपचार करून पुढील उपचारांसाठी तिला अकोला सामान्य रूग्णालयात दाखल करण्यात आलं आहे.

मिळालेल्या माहितीनुसार, आरोपी हा चिमुकलीच्या शेजारी राहतो. या चिमुकलीला हा शेजारी खेळवत असे. काल काही वेळ ती घरी न दिसल्याने घरातील सदस्यांनी तिचा शोध घेतला, त्यावेळी ही चिमुकली आरोपीसोबत गेल्याची माहिती मिळाली, तेव्हा शोध घेतला असता तिच्या डोक्याला गंभीर इजा झाल्याचं दिसून आलं. तात्काळ तिला रूग्णालयात दाखल करण्यात आलं. सध्या तिची प्रकृती गंभीर आहे. तर काल पोलिसांनी आरोपीला अटक केली आहे.

तर या आरोपीला पोलिसांनी अटक केली आहे. दरम्यान राष्ट्रवादीचे अजित पवार गटाचे आमदार अमोल मिटकरी यांनी रात्री अकोला रूग्णालयात पिडीत मुलीची भेट घेतली आहे.