नागपूर: गुजरातमधील जामनगर येथील रिलायंसच्या ‘ग्रीन्स झुऑलॉजिकल रेस्क्यू ॲण्ड रिहॅबिलिटेशन सेंटर’मध्ये गोरेवाडा रेस्क्यू सेंटरमध्ये १५ वाघ जाणार आहेत. वाघांना नेण्यासाठी जामनगर येथील चमू चार ट्रक घेऊन नागपुरात दाखल झाली आहेत. पुढील तीन दिवसात १५ वाघ गुजरातला रवाना होण्याची शक्यता आहे.
वाघाला नेण्यास काही सामाजिक संघटनानी विरोध केला असला तरी प्रधान मुख्य वनसंरक्षक (वन्यजीव) यांनी हिरवी झेंडी दिली आहे. गोरेवाडा रेस्क्यू सेंटरमध्ये क्षमतेपेक्षा वाघांची संख्या अधिक झालेली आहे. १५ वाघ ठेवण्याची क्षमता असताना आता २९ वाघ सेंटरमध्ये झालेले आहेत. यातील अनेक वाघ हे मानव-वन्यजीव संघर्षातील आहेत.
चार वाघांवर उपचार केले जात आहे. रेस्क्यू सेंटरमधील वाघांना हलविण्याबद्दल प्रधान मुख्य वनसंरक्षक (वन्यजीव) कार्यालयाकडून प्राणीसंग्रहालय प्राधिकरणाकडे पत्र पाठविले होते. त्यानुसार दोन वाघ पूर्वीच राजस्थानमध्ये रवाना झालेले आहेत.
गोरेवाडयातील १५ वाघांना जाऊ देणार नाही. महाराष्ट्रातील अनेक जंगलात वाघ नाही तेथे वाघांचे स्थलांतरण करावे. अनेक संग्रहालयात वाघ नाहीत, तेथे पाठविण्यात यावेत.
- नारायण बागडे, अध्यक्ष, आंबेडकरी रिपब्लिकन मोर्चा
छत्तीसगडमध्येही वाघ जाणार असले तरी अद्यापही तेथील सरकारकडून हालचाली सुरू झालेल्या नाहीत. गुजरातमधील ग्रीन झुऑॅलॉजीकल सेंटरच्या चमूंनी प्राणीसंग्रहालय प्राधिकरणाकडे वाघांची मागणी केली होती. त्यानुसार वाघांना हलविण्यासाठी प्राधिकरणाने हिरवा कंदील दिला. त्यानुसार आता चमू दाखल झालेली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.