नागपूर ः गेल्या अनेक दिवसांपासून वॉंटेड असलेल्या चोरट्यांना हुडकेश्वर पोलिसांनी मोठ्या शिताफीने अटक केली. दोन्ही चोरटे केवळ दारू पार्टी आणि मित्रांसोबत मौजमजा करण्यासाठी चोरी करीत होते. ही कारवाई शनिवारी केली. शुभम दिलिप चाफले (२१, रा. न्यू म्हाळगीनगर) आणि संजय रामप्रसाद हेमने (१९, ब्रम्हनगर) असे अटकेतील चोरट्यांची नावे आहेत.
पोलिसांनी दिलेल्या माहितीनुसार, शुभम आणि संजय हे दोघेही मित्र असून गुन्हेगारीतूनच दोघांची ओळख झाली होती. अल्पवयीन असतानासुद्धा शुभम गुन्हेगारी कारवायात सहभाही असायचा. खिशातील पैसे संपल्यानंतर दोघेही बंद घराचा शोध घेऊन चोरी करीत होते.
अमोल दांडेकर (२९, प्रेरणानगर) यांच्या घरी ४ डिसेंबरला महेश आणि गणेश नावाचे मित्र आले होते. मध्यरात्रीच्या सुमारास जेवण केल्यानंतर तिघेही झोपी गेले. पहाटेच्या सुमारास शुभम आणि संजय यांनी खिडकीतून प्रवेश करीत घरातून सोन्या-चांदिचे दागिणे, रोख रक्कम आणि मोबाईल चोरून नेले होते. या प्रकरणी हुडकेश्वर पोलिसांनी गुन्हा दाखल केला होता.
ठाणेदार प्रताप भोसले यांना चोरीबाबत गुप्त माहिती मिळाली. त्यांनी लगेच एपीआय स्वप्नील भुजबळ, हवालदार शैलेष ठवरे, प्रवीण गाणार, राजेश डेकाटे, आशिष तितरमारे, सायबर एक्सपर्ट दिपक तऱ्हेकर, मिथून नाईक यांना सापळा रचण्याचे आदेश दिले. पथकाने रचलेल्या जाळ्यात दोघेही चोरटे अलगद अडकले. दोघांनीही चोरीची कबुली दिली असून चोरीचा मालही त्यांच्याकडून हस्तगत केला आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.