नागपूर : ईडीचा अशाप्रकारे उपयोग करणे दुर्दैवी आहे. राज्यात अशाप्रकारचं राजकारण कधीही पाहण्यात आले नाही. भाजपच्या विरोधात बोलेल त्यांच्यावर ईडी आणि सीबीआयची चौकशी लावली जाते. मात्र, आता सीबीआयबाबत आम्ही निर्णय घेतलाय. आमच्या परवानगीशिवाय सीबीआय राज्यात चौकशी करू शकत नाही, असे राज्याचे गृहमंत्री अनिल देशमुख म्हणाले.
राज्यात वारंवार अनेक जणांना ईडीची नोटीस येत असल्याचे समोर आले आहे. नुकतेच रविवारी संजय राऊत यांच्या पत्नी वर्षा राऊत यांना ईडीने नोटीस बजावली आहे. पीएमसी बँक घोटाळाप्रकरणी ही चौकशी असल्याचे बोलले जात आहे. यापूर्वीही प्रताप सरनाई यांच्या मुलाची देखील ईडीकडून चौकशी करण्यात आली. त्यावरून भाजप अन् महाविकास आघाडीमध्ये आरोप-प्रत्यारोपाच्या फैरी झाडल्या जात आहेत. आजच नागपुरात अनिल देशमुख यांनी यावर प्रतिक्रिया दिली.
ईडीच्या नोटीसमध्ये काहीही नवीन नाही - प्रफुल्ल पटेल
ईडीच्या नोटीसमध्ये काहीही नवीन नाही. भारतात अनेक लोकांना ईडीची नोटीस येतेय, हे आता इतकं स्वस्त झालंय, की याचं कुणालाही खराब वाटत नाही. आजकाल कुणालाही नोटीस बजावली जातेय. त्यांचा संबंध असोत किंवा नाही. ईडी नोटीसला गांभीर्यानं घेण्याची गरज नाही. कुणी चुकीचं केलं तर ते बाहेर येईल, यात राजकारण आहे का ते ही कळेल, असे प्रफुल्ल पटेल म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.