चांपा (जि. नागपूर) : उमरेड तालुक्यातील पाचगाव येथील ३२ केव्हीच्या सबस्टेशनच्या परिसरात आनंद मेहता एग्रो इंडस्ट्रीज प्रा ली कंपनीला गुरूवारी दुपारी अडीच्या सुमारास शॉर्टसर्किटमुळे आग लागल्याची घटना घडली. सबस्टेशन नजीकच्या परिसरातील आनंद मेहता फॅट्स अँड फूड कंपनीला आग लागताच पाचगाव परिसरात सर्वत्र धावपळ उडाली.
या भागात राहणाऱ्या नागरिकांनी मेहता कंपनीच्या दिशेने धाव घेतली. आगीवर नियंत्रण मिळविणे कठीण झाले होते. नागपूर ते उमरेड महामार्गावरून पाचगाव सबस्टेशन नजीकच्या मेहता कंपनीला आग लागल्याचे दृश्य दिसत होते.
नागरिकांचा वाढता लोंढा व कोणतीही अप्रिय घटना घडू नये, याकरिता कुही पोलीस स्टेशनचे ठाणेदार पंजाबराव परघणे, उमरेडचे तहसीलदार प्रमोद कदम, नायब तहसीलदार जोगदंड ,पाचगावच्या सरपंच सौ, उषाताई ठाकरे , पाचगावचे तलाठी ज्ञानेश्वर नागरे, पाचगाव पोलिस चौकीचे पोलिस उपनिरीक्षक भरत खेटे, घटनास्थळी दाखल झाले.
पाचगाव सबस्टेशन नजीकच्या परिसरात असलेल्या मेहता कंपनी ला शॉर्टसर्किट झाल्याचे लक्षात येताच मोठी त्यांनी जीवितहानी होऊ नये या दृष्टीने सतर्कता बाळगली. मेहता कंपनीला आग लागल्याचे दिसताच काही कर्मचारी घटनास्थळी पाणी घेऊन पोहचले. सबस्टेशनच्या मागील परिसरात मेहता कंपनीला आग लागल्याने मेहता कंपनीचे पंधराशे टन माल जळून खाक झाले ,काही कर्मचारी कंपनी सोडून पसार झाले,तर काहींनी आपला जीव धोक्यात घालून आग विजविण्यास धावून आले.
पाणी टाकून आगीवर नियंत्रण मिळविण्याचा प्रयत्न केला. घटनेची माहिती मिळताच अम्निशामक दलाचे तीन गाड्या घटनास्थळी पोहोचले. अग्निशमनच्या जवानांनी आगीवर नियंत्रण मिळविण्याचे प्रयत्न सुरूच ठेवले. आग आटोक्यात येईपर्यंत मेहता कंपनीच्या भागात सर्वत्र काळोख पसरला होता.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.