Buldhana Bus Accident - वर्धेतील सहयोग नगर येथील श्रेया वंजारी आणि साईनगर येथील राधिका खडसे या दोघी मैत्रिणी. त्यांनी सोबतच शिक्षण घेतले आणि नोकरीला लागल्या. नेहमी त्यांचा प्रवास सोबतच असायचा. नित्याप्रमाणे त्या दोघी प्रवासाला निघाल्या आणि त्यांचा अपघात झाला.

मध्यमवर्गीय कुटुंबातील असलेल्या श्रेयाने आपल्या परीश्रमाने पुण्यात नोकरी मिळविली. याला तिची मैत्रिण राधिकाची नेहमी साथ मिळाली. श्रेयाच्या वडिलांनी तिला सध्या नको जावू असे म्हटले होते.

तर तिने महाविद्यालयात सबमीशन असल्याने जाते आणि दोन दिवसात येते म्हणून ती गेल्याचे नातलगांनी सांगितले. श्रेया आणि राधिका दोघींही सोबतच पुण्यात नोकरीला रूजू झाल्या. काल दोघी नित्याप्रमाणे सायंकाळी साडेसात वाजता विदर्भ ट्रॅव्हल्सने पुण्याकरिता निघाल्या. त्यांचा हा मैत्रीचा प्रवास येथेच थांबला.