नागपूर : विधान परिषदेच्या पदवीधर मतदार संघाच्या निवडणुकीत उभे राहणाऱ्या उमेदवारास त्याच्यावर असलेल्या गुन्ह्यांची माहिती सार्वजनिक करावी लागणार आहे. उमेदवारास त्याच्यावर असलेल्या गुन्ह्यांची माहिती तीन वेळा वृत्तवाहिनी आणि वृत्तपत्रात प्रसारित करावी लागणार आहे.
लोकसभा, विधानसभेसह स्थानिक स्वराज्य संस्थेच्या निवडणुकांमध्ये गुन्हेगार वृत्तीचे व्यक्तीसुद्धा उभे होतात. विजयी सुद्धा झालेत. यावर अनेक सामाजिक संस्थांनी नाराजी व्यक्त केली असून, लोकशाहीसाठी मारक असल्याचे सांगण्यात आले. न्यायालयानेही यावर नाराजी व्यक्त केली आहे. यावर आळा घालण्याच्या सूचना अनेकांनी केल्यात.
लोकप्रतिनिधी निवडताना मतदारांना त्याची संपूर्ण माहिती होणे आवश्यक आहे. त्यामुळे केंद्रीय निवडणूक आयोगाने सर्व उमेदवारांना त्यांच्याकडे असलेल्या गुन्ह्यांची माहिती सार्वजनिक करण्यास करण्यात सांगितले आहेत. मागील लोकसभा निवडणुकीपासून हा नियम लागू करण्यात आला.
निवडणुकीत उभे असणाऱ्या उमेदवारास वृत्तपत्र व वृत्तवाहिनीवर त्यांच्यावर असलेल्या गुन्ह्यांची जाहिरात द्यावी लागणार आहे. निवडणूक काळात तीनदा ही जाहिरात द्यावी लागेल. यामुळे मतदारांना निवडून देत असलेल्या व्यक्तीची माहिती होईल. गुन्हेगार स्वरूपाच्या व्यक्तीला कायदेमंडळात प्रवेश करण्यापासून रोखण्यास प्रतिबंध घालण्याचा हेतू यामागे असल्याचे सांगण्यात येते.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.