नागपूर : महापालिकेतील (NAGPUR CARPORATION) ६७ लाखांच्या स्टेशनरी व प्रिंटिंग साहित्य घोटाळाप्रकरणात सदर पोलिसांनी आणखी दोघांना अटक केली. सामान्य प्रशासन विभागाचे लिपिक मोहन रतन पडवंशी व ऑडिटर मोहम्मद अफाक अहमद ,अशी अटकेतील कर्मचाऱ्यांनी नावे आहेत. दोघांनी कोणतीही शाहनिशा केली नाही. अफाक यांनी बिले मंजूर केली. या घोटाळ्याप्रकरणात सदर पोलिसांनी गुरुवारी मनोहर साकोरे अॅण्ड कंपनीचे पद्माकर (कोलबा) साकोरे (वय ५५), सुषमा साकोरे (वय ५० दोन्ही रा. जयप्रकाशनगर), मनोहर साकोरे (वय ७० रा. दक्षिणामूर्ती चौक, महाल) व अतुल साकोरे (वय ४० रा. न्यू नंदनवन) यांच्याविरुद्ध गुन्हा दाखल केला होता. गुन्हा दाखल होताच पोलिसांनी अटकसत्र सुरू केले. याप्रकरणात आतापर्यंत चार जणांना अटक करण्यात आल्याची माहिती आहे.

या घोटाळ्यात यापूर्वी पद्माकर साकोरे, अतुल साकोरे या एजन्सी मालकांना अटक करण्यात आली. आतापर्यंत मनपातील या घोटाळ्यात चौघांना अटक करण्यात आली. यात आणखी काही मोठ्या अधिकाऱ्यांचा समावेश असल्याची चर्चा आहे. त्यामुळे मोठे अधिकारीही अडकण्याची शक्यता आहे.