नागपूर : पालघर येथील हत्याकांडाच्या घटनेनंतर मुख्यमंत्री उद्धव ठाकरे यांच्याबाबत सोशल मीडियावर अपमानजनक पोस्ट लिहून त्यांची बदनामी करणाऱ्या अनुराग गोसावीविरुद्ध शिवसेनेच्या पदाधिकाऱ्यांनी सक्करदरा पोलिस स्टेशनमध्ये तक्रार दाखल केली आहे. गोसावीविरुद्ध कठोर कारवाई करण्याची मागणीही शिवसेनेचे शहरप्रमुख राजेश तुमसरे यांनी तक्रारीत केली आहे.
सूत्रांनी दिलेल्या माहितीनुसार, पालघरमधील घटना अत्यंत दुर्दैवी आणि निंदनीय आहे. या घटनेनंतर आरोपींना अटक करण्यात आली व दोन पोलिस अधिकाऱ्यांना निलंबित करण्यात आले आहे. या घटनेच्या चौकशीचे आदेशही मुख्यमंत्र्यांनी दिले आहेत. या प्रकरणाला जातीय रंग देण्याचा प्रयत्न करण्यात येत आहे. मंगळवारी गोसावी याने समाजमाध्यमांवर मुख्यमंत्र्यांची बदनामी करुन त्यांच्याबाबत अपशब्दाचा वापर केला. मुख्यमंत्र्यांबाबत अपशब्द वापरणे योग्य नाही. गोसावी याने नागपुरात येऊन दाखवावे, त्याला शिवसेनास्टाइल उत्तर देऊ असा इशाराही तुमसरे यांनी जारी केलेल्या प्रसिद्धिपत्रकात दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.