मुंबई : नागपुरातील राष्ट्रीय स्वयंसेवक संघाच्या (RSS) परिसराची जैशकडून (Jaish-e-Mohammed) रेकी करण्यात आल्याचा धक्कादायक प्रकार शुक्रवारी समोर आला होता, त्यानंतर या परिसराची सुरक्षा वाढविण्यात आली आहे. दरम्यान, या सर्व प्रकारावर काँग्रेसचे प्रदेधाध्यक्ष यांनी प्रतिक्रिया दिली आहे, राज्यातील पोलीस विभाग सक्षम असून अशा प्रकारचा हल्ला महाराष्ट्रात होऊ शकत नाही असे मत पटोले यांनी कालच्या घटनेनंतर व्यक्त केले आहे.

राष्ट्रीय स्वयंसेवक संघाच्या (RSS) परिसराची जैशकडून (Jaish-e-Mohammed) रेकी करण्यात आल्याचा धक्कादायक प्रकार शुक्रवारी समोर आला होता. जुलै महिन्यात रेकी (Reiki) करण्यात आल्याचे पोलिसांनी सांगितले, रेकी करणाऱ्या व्यक्तीने दोन दिवस नागपुरात (Nagpur) वास्तव्य केल्याचेही तपासात समोर आले आहे. रेकी करणाऱ्या तरूणाला जम्मू-काश्मीरमध्ये अटक करण्यात आली आहे. (RSS Office On Terrorist Attack )

पाकिस्तानमधील (Pakistan) काही व्यक्तींच्या सांगण्यावरून नागपुरात रेकी (Reiki) केल्याचे अटक केलेल्या दहशतवाद्याने कबुल केले आहे. दरम्यान, जैश ए मोहम्मद (Jaish-e-Mohammed) ही एक दहशतवाद संघटना (Terrorist Organizations) असून याच संघटनेच्या एका दहशतवाद्याने राष्ट्रीय स्वयंसेवक संघ परिसरासह इतर संवेदनशील भागाची रेकी केल्याचे तपासातून पुढे आले आहे. सेन्ट्रल एजन्सीने केलेल्या तपासातून ही गोष्ट समोर आली असून ही माहिती एजन्सीने नागपूर पोलिसांना दिली आहे.