हिंगणा एमआयडीसी/ वानाडोंगरी (जि.नागपूर) : सध्या सुरु असलेल्या कोरोना साथकाळात दिलेल्या सूचनांचे पालन न करणाऱ्याएमआयडीसीतील हसीब फार्मास्युटिकल कंपनीवर तहसीलदार संतोष खांडरे यांनी नोटीस बजावून पुढील आदेशापर्यंत कंपनी बंदचे आदेश दिले आहेत.
जिल्हाधिका-यांनी केली पाहणी
ग्रामपंचायतल भीमनगर येथे 9 जुनला मिळालेले तिन पॉझिटीव्ह रुग्ण हे चौकशीअंती, हसीब फार्मास्युटिकल कंपनी एमआयडीसी हिंगणा येथे काम करत असल्याचे आढळून आले.
जिल्हाधिकारी रविंद्र ठाकरे यांच्या निर्देशानुसार व तहसीलदार संतोष खांडरे यांच्या मार्गदर्शनाखाली नायब तहसीलदार ज्योती भोसले, मंडळ अधिकारी राजेश चुके, तलाठी आर.एच.सोनकुसरे व एस.एन. तिवारी यांच्या पथकाने हसीब फार्मास्युटिकल कंपनीत पाहणी केली. या कंपनीत130 कामगार काम करतात . त्यातील50 कामगार पॅकेजींग विभागात काम करत होते.
आणखी वाचा : धंदयावर बसण्याची धमकी देणारी "लुटेरी दुल्हन' प्रीती दास पोलिसांच्या जाळयात
कंपनीत नियमांचा फज्जा
मात्र कोरोनासंदर्भात दिलेल्या निर्देशानुसार मास्कचा वापर, वेळोवेळी साबणाने हात धुणे, सहा फूट अंतराचे पालन या गोष्टी तेथे आढळल्या नाहीत. त्यामुळे साथ रोगप्रतिबंधक कायदा व आपत्ती व्यवस्थापन कायद्यान्वये तहसीलदार संतोष खांडरे यांनी नोटीस बजावून 11 जुन ते पुढील आदेशापर्यंत कंपनी बंद करण्याची कारवाई केली. इतरही अनेक कंपन्यांमध्ये नियम पाळले न गेल्यास, याबाबत चौकशी करून कारवाई करण्यात येईल, असे तहसीलदार संतोष खांडरे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.