नागपूर : शहरात कोरोनाच्या (coronavirus) विळखा वाढत चालला आहे. त्यामुळे सातत्याने रुग्णसंख्येत वाढ होताना दिसून येत हे. त्यातूनच हा विळखात पोलिस खातेही आले असून आतापर्यंत शहरातील जवळपास ३५० पोलिस (police) अधिकारी आणि कर्मचाऱ्यांना कोरोनाची लागण झाली असल्याची माहिती पोलिस आयुक्त अमितेश कुमार यांनी दिली.

कोरोनाच्या (coronavirus) संक्रमणात दिवसेंदिवस दुपटीने वाढ होत आहे. याशिवाय ओमिक्रॉनच्या रुग्णांची संख्या सातत्याने वाढत आहे. त्यामुळे शहरात मोठ्या संख्येने कोरोनाचे रुग्ण आढळून येत आहे. त्यामध्ये पोलिसांचा संपर्क सामान्यांशी येत असल्याने पोलिसांमध्ये संक्रमण अधिक वाढत असल्याचे दिसून येत आहे. त्यातूनच दररोज ३० ते ३५ पोलिसांना (police) कोरोनाची लागण होत असल्याचे दिसून येत आहे. त्यामुळे आतापर्यंत ३५० पोलिसांना कोरोनाची लागण झालेली आहे.

विशेष म्हणजे, यामध्ये कर्मचाऱ्यांसह अधिकाऱ्यांचाही समावेश असल्याचे पोलिस आयुक्त म्हणाले. विशेष म्हणजे, पोलिसांकडून कोरोना (coronavirus) प्रतिबंधासाठी आवश्‍यक असलेली उपाययोजना आणि अनाउंसमेंट करण्यात येत असल्याचे ते म्हणाले. त्यातून हॉटेल्स , बार, मॉल, लग्न सभागृहे आदी ठिकाणी पोलिसांकडून सातत्याने तपासणी करण्यात येत आहे. त्यातून १० सभागृहांना नोटीस देत त्यांच्यावर दंड ठोठावण्यात आला आहे. यापुढेही त्यांनी आदेशाचे पालन न केल्यात त्यांना सील करण्याची कारवाई करण्यात येणार आहे असे ते म्हणाले.

अग्रवाल हत्याकांडचा तपास योग्य दिशेने

मंगळवारी घडलेल्या मदन अग्रवाल परिवाराच्या हत्याकांडाचा तपास योग्य दिशेने सुरू असल्याची माहिती पोलिस (police) आयुक्तांनी दिली. याशिवाय रेकी प्रकरणात काहीही बोलण्यास नकार दिला.