Belgaum Crime News : केंद्रीय राष्ट्रीय रस्ते वाहतूकमंत्री नितीन गडकरी यांच्या कार्यालयाला फोन करून पैशासाठी धमकी दिल्याच्या प्रकरणात जयेश पुजारी या कैद्याला नागपूर पोलिसांनी ताब्यामध्ये घेतले आहे.

बेळगाव येथील हिंडलगा कारागृहातील एका कैद्याकडून मंत्री गडकरी यांना दुसऱ्यांदा पैशासाठी फोन करून धमकी दिल्याचे प्रकरण पुढे आल्यानंतर चौकशीसाठी त्याला ताब्यात घेतले आहे. (Latest Marathi News)

मंत्री गडकरी यांच्या नागपूरमधील कार्यालयाशी पहिल्यांदा १४ जानेवारी २०२३ रोजी जयेश नामक कैद्याने संपर्क साधत १०० कोटींची खंडणी मागितली.

तपासाची धूळ खाली बसते न बसते तेच या संदर्भामध्ये आणखी एकदा संपर्क साधत १० कोटींची खंडणी मागण्यात आली आहे. बेळगावमधील हिंडलगा कारागृहामधून कॉल करत पैशाची मागणी केली आहे.

या दरम्यान संपर्क साधलेल्या कैद्याने परत आपले नाव जयेश असल्याचे नागपूर पोलिसाकडून कैदी ताब्यात सांगितले. यामुळे याची गंभीर दखल घेऊन गेल्या आठवड्यामध्ये येथे नागपूरचे दोन पोलिस बेळगावात दाखल झाले. गुरुवारी आणि शुक्रवारी असे दोन दिवस चौकशी केली.

कैद्याचा मोबाईल आणि इतर साहित्याची तपासणी करण्यात आली. त्याशिवाय कैदी व येथील अधिकाऱ्यांकडून माहिती घेण्यात आली. त्यानंतर कैद्याला नागपूरला नेण्यात आल्याची माहिती आहे. त्याठिकाणी प्रकरणाचा उलगडा करण्याची तयारी सुरुआहे.