Death of baby and mother born in Nagpur district 
नागपूर

प्रसूती होईपर्यंत आईला समजले नाही मुलगी गर्भवती आहे, हे आहे कारण...

दिलीप गजभिये

खापरखेडा (जि. नागपूर) : एकाच गावातील रहिवासी असलेल्या युवकाने अल्पवयीन मुलीला (वय 16) प्रेमाच्या जाळ्यात ओढले. मुलगी घरी एकटी असल्यावर युवकाने तिच्या घरी जाऊन शारीरिक संबंध प्रस्थापित केले. वारंवार संबंध झाल्याने मुलीला गर्भधारणा झाली. मुलीने सातव्या महिन्यात घरीच मृत बाळाला जन्म दिला. बाळ जन्माच्या दुसऱ्या दिवशीच म्हणजे शुक्रवारी रात्री प्रसूत अल्पवयीन मातेचा मृत्यू झाला. फाटा उर्फ रूपेश संतोष उईके (वय 19, रा. वॉर्ड न. 4, इंदिरानगर आबादी, खापरखेड) असे आरोपी युवकाचे नाव आहे. 

पोलिसांनी दिलेल्या माहितीनुसार, आरोपी रूपेश व मृत हे एकमेकांच्या अवघ्या शंभर मीटर अंतरावर राहतात. त्यामुळे त्यांची एकमेकांशी ओळख झाली. काही दिवसांनी मैत्रीचे रूपांतर प्रेमात झाले. अनेक महिन्यांपासून त्यांचे प्रेम सुरू होते. प्रेमात अकंठ बुडालेल्या दोघांनी सिमा ओलांडली आणि शारीरिक संबंध प्रस्थापित केले. वारंवार झालेल्या संबंधांमुळे मुलगी गर्भवती झाली.

मुलीने आईला पोटात दुखत असल्याचे सांगितले. मात्र, आईने याकडे दुर्लक्ष केले. कारण, मुलीला वायगुळाचा (ऍसिडीट) त्रास होता. यामुळे नेहमी तिचे पोट सुजत होते व उलटी होत होती. मुलगी सतत पोट दुखत असल्याचे सांगत असल्याने आईचा संशय बळावला व गर्भवती असल्याचे समजले. अचानक त्रास वाढला व मुलीने मृत बाळाला जन्म दिला. यानंतर प्रसूत आईची प्रकृती अधिकच खराब झाल्याने नागपुरातील मेडिकलमध्ये उपचारासाठी दाखल केले. मात्र, बाळ दगावल्याच्या दुसऱ्याच दिवशी म्हणजे शुक्रवारी रात्रीच्या सुमाराच तिचा मृत्यू झाला. आईने दिलेल्या तक्रारीवरून शुक्रवारी खापरखेडा पोलिसांनी विविध कलमान्वये गुन्हा दाखल केला आहे. 

देवलापार येथून आरोपीला अटक

गर्भवती मुलीचा मृत्यू झाल्याची बातमी समजताच आरोपी रूपेशने गावातून पळ काढला. पोलिसांनी रूपेशला रविवारी देवलापर येथून अटक केली. आरोपी हा अट्टल गुन्हेगार आहे. त्याच्यावर कोराडी, खापरखेडा येथे चोरी, डकेती आदी प्रकारचे गुन्हे दाखल आहेत.

मृताचा भाऊ व आरोपी मित्र

मृत मुलीचा भाऊ व आरोपी रूपेश हे मित्र आहेत. तसेच रूपेश हा चुलत मामेभाऊ आहे. त्यामुळे रूपेशचे नेहमी घरी येणे-जाणे होते. यातूनच रूपेशची ओळख मुलीशी झाली. यानंतर दोघांचे प्रेम झाले. मुलीच्या घरी कुणीही नसल्याची संधी साधून रूपेश घरी जात होता. यातूनच हा संपूर्ण प्रकार घडला. 

पोटफुगीच्या त्रासामुळे समजलेच नाही 
मुलगी गर्भवती असल्याचे घरच्यांना समजलेच नाही. कारण, तिला ऍसिडीटीचा त्रास होता. मुलीने घरीच मृत बाळाला जन्म दिला. आम्ही मुलीच्या आईचे बयाण नोंदवल्यानंतर आरोपीला अटक केली आहे. 
- चंद्रकांत काळे, 
पोलिस निरीक्षक, खापरखेडा.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IND vs ENG 3rd Test: OUT or NOT OUT? जो रूटने अफलातून झेल, नोंदवला वर्ल्ड रेकॉर्ड; राहुल द्रविडचा विक्रम मोडला, पण रंगलाय वाद

World Heritage status: अभिमानाची बाब! शिवरायांच्या १२ किल्ल्यांचा युनेस्कोच्या यादीत समावेश

Shambhuraj Desai : संजय राऊतांच्या वक्तव्याची पर्यटनमंत्री शंभुराज देसाईंनी उडवली खिल्ली

खरीप हंगामात ८१,००० शेतकऱ्यांना ११४० कोटींचे पीककर्ज! ६३ हजार ८४९ शेतकऱ्यांच्या १०३० कोटी रुपयांच्या पीककर्जाचे बॅंकांनी केले नवे-जुने

Latest Marathi News Updates: देश-विदेशासह राज्यात दिवसभरात काय घडलं? वाचा एका क्लिकवर

SCROLL FOR NEXT