नागपूर ः नागपुरात होणाऱ्या येत्या डिसेंबर महिन्यात होणा-या हिवाळी अधिवेशनात सीबीएसई शाळा प्राधीकरणाचा कायदा लागू करण्यात येईल, असे आश्वासन विधानसभा अध्यक्ष नाना पटोले यांनी सीबीएसई स्कुल स्टाफ वेलफेअर असोसिएशन (सिस्वा)च्या अध्यक्षा दिपाली डबली यांना दिले.
सीबीएसई स्कुल स्टाफ वेलफेअर असोसिएशन (सिस्वा) च्या अध्यक्षा दिपाली डबली व सिस्वाच्या कार्यकारिणी सदस्यांनी ५ ऑक्टोबर रोजी मा. नाना पटोले यांची हैद्राबाद हाऊस, सिव्हील लाईन्स येथे भेट घेतली.
यावेळी नाना पटोले यांनी सिस्वाच्या पदाधिकाऱ्यांशी चर्चा केली. ते म्हणाले, सीबीएसई शाळांच्या शिक्षक व शिक्षकेतर कर्मचा-यांच्या अनेक समस्या आहेत. सिस्वा सीबीएसई शिक्षकांना न्याय मिळवून देण्यासाठी सतत प्रयत्नशील असते, ही अतिशय प्रशंसनीय बाब आहे.
केंद्र सरकारने सीबीएसई शाळा प्राधीकरण स्थापन करण्याचे अधिकार राज्याला दिले असून महाराष्ट्र सरकार लवकरच त्यावर निर्णय घेईल. येत्या डिसेंबर महिन्यातील हिवाळी अधिवेशनात सीबीएसई शाळा प्राधीकरण स्थापन करण्याबाबत सर्वतोपरी प्रयत्न करून स्कूल ट्रिब्युनलचा कायदा प्रत्यक्षात आणण्यात येईल, असे आश्वासन त्यांनी या भेटीत सिस्वाच्या अध्यक्ष व कार्यकारिणी सदस्यांना दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.