नागपूर:  राज्यात कोरोनाचा प्रादुर्भाव वाढल्याने त्याचा परिणाम यावर्षी स्वातंत्र्यदिनाच्या उत्सवावर होणार आहे. राज्यशासनाने काढलेल्या नियमावलीमुळे आता केवळ पाच व्यक्तींच्या उपस्थितीत स्वातंत्र्यदिन साजरा करता येणार आहे. या नियमांचा आधार घेत विभागीय शिक्षण उपसंचालकांना शाळांना सूचना दिलेल्या आहेत.

राज्यात कोरोनाने थैमान घातले आहे. यामुळे जनजीवन अस्ताव्यस्त झाले आहे. मार्च महिन्यापासून जवळपास सर्वच कार्यक्रम बंद असून सणांच्या उत्साहावर विरजण पडले आहे. याचाच फटका आता स्वातंत्र्यदिनाच्या कार्यक्रमाला बसला आहे. त्यामुळे यावर्षी स्वातंत्र्यदिनाचा कार्यक्रम कशा पद्धताने साजरा करायचा याबाबत राज्य सरकारने नियमावली काढली आहे. 

हे काय - स्कॉर्पिओने पुलावर दिली धडक; नर्स दुचाकीसह पडली ३० फूट खाली...

या नियमावलीचा आधार घेत, उपसंचाकांनी शाळांना सूचनांचे पत्र पाठविले आहे. यामध्ये सकाळी ८.३५ ते ९.३५ यादरम्यान झेंडावंदन पार पाडायचे आहे. याशिवाय एक मुख्याध्यापक, एक शिक्षक, शाळा समितीचे अध्यक्ष याच्यासह पाच व्यक्तींचा समावेश करता येणार आहे.

तसेच झेंडावंदन करताना सामाजिक अंतर पाळावे, मास्क बंधनकारक करण्यात आले आहे. विद्यार्थ्यांना शाळेत बोलावू नका आणि शाळा प्रतिबंधीत क्षेत्रात असल्यास स्वातंत्र्यदिनाच्या कार्यक्रम घेण्यात येऊ नये अशा सूचना देण्यात आलेल्या आहेत. विभागीय शिक्षण उपसंचालकांनी तसे अधिकृत पत्र शाळांच्या पाठविले आहे.

हेही वाचा - ...अन पंजाबच्या खेळाडूंना नागपुरातून केस कापून पाठविले ! वाचा काय घडले

हा तर राष्ट्रध्वजाचा अपमान

तोंडाला तिरंगा लावणे हा राष्ट्रध्वजाचा अपमानच आहे. असे असताना मास्क बनवून विकले जात आहेत. मास्क वापरणारे त्याची विल्हेवाटसुद्धा योग्य पद्धतीने लावत नाही. एक दिवस तिरंगा मास्‍क घालून तो फेकून दिला जातो. त्यामुळे करोनासारखा जीवघेणा आजार पसरण्याचा धोका आहे. त्यामुळे अतिरिक्त आयुक्त नीलेश भरणे यांना नागरिकांचे कर्तव्य म्हणून अशा मास्कवर बंदी घालण्याची मागणी शिवसेनेच्यावतीने सिद्धू कोमजवार, प्रवीण देशमुख, राजेश वाघमारे, आशिष देशमुख, दीपक पोहणेकर, कार्तिक नारनवरे, अक्षय वाकडे, विनोद शाहू आदींनी केली. 

संपादन - अथर्व महांकाळ