चांपा (जि. नागपूर) : उमरेड तालुक्यातील कुही पोलिस ठाण्याच्या हद्दीतील खापरी कुरडकर येथील रहिवासी महेश नथुजी मंगर (वय ३३) यांचा सर्पदंशाने गुरुवारी शासकीय रुग्णालयात उपचारादरम्यान मृत्यू झाला.
खापरी कुरडकर येथील रहिवासी महेश नथुजी मंगर हा रविवारी शेतात कामासाठी गेला होता. दरम्यान, सापाने महेश याच्या पायाला तीन वेळा दंश केला. विषारी साप असल्यामुळे त्यांची प्रकृती गंभीर झाली.
कुटुंबीय व ग्रामस्थांनी महेशला तातडीने नागपूर येथील शासकीय रुग्णालयात दाखल केले. रुग्णालयात तीन चार तासांनंतर त्यांच्यावर उपचार सुरू केले. मात्र, उपचार सुरू असतानाच शरीरात विषाचा फैलाव झाल्याने चार दिवसांच्या उपचारानंतर गुरुवारी दुपारी १२ वाजताच्या सुमारास मृत्यू झाला.
मृत महेश मंगर यांच्याकडे अडीच एकर जमीन आहे. त्यावर आपले व कुटुंबीयांचे उदरनिर्वाह करीत असल्याची माहिती मृत महेश यांची पत्नी रेणुका महेश मंगर (२७) हिने दिली. महेशच्या मृत्यूनंतर मुलगा संकेत (वय ९) व मुलगी आदिती (वय ७) आहे. मृत महेशच्या कुटुंबीयांवर काळाने घाला घातला असून, महेश मंगर यांच्या कुटुंबीयांकडे जीवन जगण्यासाठी शेती शिवाय दुसरा पर्याय नाही.
घरचा कर्ता पुरुष गेल्याने आता संसाराचा गाढा कसा चालवायचा असा प्रश्न रेणुकाला भेडसावत आहे. उत्तरीय तपासणीत सर्पदंशाने मृत्यू झाल्याचे समोर आले आहे. त्यामुळे कृषी विभाग तसेच वन विभागाने तातडीने मदत करण्याची मागणी मृत महेशच्या कुटुंबीयांनी केली आहे.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.