कामठी (जि. नागपूर ) : जुनी कामठी पोलिस स्टेशन हद्दीत येत असलेल्या खैरी येथे वॉर्ड क्रमांक ३ मध्ये राहणारी विवाहित महिला माहेरी गेली असता पतीने दुसरे लग्न उरकल्याचा धक्कादायक प्रकार समोर आला आहे. याबाबत पीडितेने पोलिस ठाणे गाठून पतीसह सासू-सासऱ्यांविरोधात तक्रार केली. त्यानुसार पोलिसांनी तिघांविरोधात गुन्हा दाखल केला.
नागपूर येथील रहिवासी असणाऱ्या तरुणीचे १५ डिसेंबर २०१७ला कामठी तालुक्यातील खैरी येथील रहिवासी इमरान अली सय्यद (२५)याच्याशी लग्न झाले. काही दिवसानंतर पतीने तिला मारपीट करायला सुरुवात केली. त्यानंतर मुले होत नाही म्हणून छळ सुरू केला. तसेच माहेरून हुंडा आणण्याचा तगादा लावला. इतकेच नाहीतर, तिच्या भावाला बोलावून पत्नीला माहेरी नेण्यास सांगितले. सततच्या त्रासाला कंटाळून तिने पाचपावली पोलिस ठाण्यात तक्रार दाखल केली. गेल्या सहा महिन्यांपासून ती माहेरी राहत आहे.
पत्नीला कुठलीही माहिती न देता पतीने गेल्या ३ नोव्हेंबरला तुमसर येथील एका तरुणीशी लग्न केले. याबाबत पीडितेला समजताच तिने पतीचे घर गाठून त्याला समजाविण्याचा प्रयत्न केला. मात्र, पतीने तिचे ऐकले नाही. त्यामुळे तिने जुने कामठी पोलिस स्टेशन गाठून पोलिस निरीक्षक विजय मालचे यांना आपबिती सांगितली. मानसिक व शारीरिक छळ केल्याप्रकरणी पतीसह सासू सासऱ्यांविरोधात तक्रार दाखल केली. पोलिसांनी महिलेच्या तक्रारीवरून, पती इमरान अली सय्यद (२५), सासरे हमीद अली सय्यद (४५), सासू नुराजहा हमीद अली सय्यद (४०) या तिघांविरुदध मानसिक व शारीरिक छळ केल्याप्रकरणी गुन्हा दाखल केला. पुढील तपास महिला पोलिस उपनिरीक्षक कल्पना कटारे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.