नागपूर :  मनपा आयुक्त राधाकृष्णन बी. यांनी बाहेर फिरणाऱ्या बाधितांवर दंडात्मक कारवाईचे आदेश काढल्यानंतर अनेक बाधित बिनधास्त फिरत आहेत. अशाच एका घराबाहेर फिरणाऱ्या बाधितावर महापालिकेच्या उपद्रव शोध पथकाने दंडात्मक कारवाई करीत त्याच्याकडून पाच रुपये दंड वसूल केला. शहरात बाधितावर ही पहिलीच कारवाई आहे. 

हेही वाचा - बापरे! फक्त एक किमी क्रॉस करायला लागतो एक तास, कारण...

आशीनगर झोनअंतर्गत महेन्द्रनगरमध्ये राहणारा कोरोनाबाधित रुग्ण घराचा बाहेर फिरत असल्याची माहिती परिसरातील एका नागरिकाने मनपाच्या उपद्रव शोध पथकाला दिली. पथकाने ताबडतोब निश्चित पत्त्यावर पाहणी केली असता बाधित बाहेर फिरत असल्याचे आढळला. याशिवाय लॉकडाउनच्या नियमाचा भंग करणाऱ्या १२ दुकाने, प्रतिष्ठानांनवर कारवाई करुन रु. १,०६,००० चा दंड वसूल केला. यात केडब्ल्यूई एक्स्प्रेस लिमिटेडचा समावेश असून व्यवस्थापनाकडून २५ हजाराचा दंड वसूल केला. तसेच पथकाने ५२ प्रतिष्ठाने व मंगल कार्यालयांची तपासणी केली. 

हेही वाचा - नागपुरात कोरोनानं मोडले सर्व रेकॉर्ड; बाधितांनी गाठला उच्चांक; गेल्या एक वर्षातील...

आयुक्तांनी केली बाधितांच्या घराची पाहणी -
आयुक्तांनी गोरेवाडा भागात आरआरटी पथकासोबत कोरोनाबाधितांच्या घरांची पाहणी केली. यावेळी त्यांनी कॉन्टॅक्ट ट्रेसिंगबाबत आढावा घेतला. त्यांच्या समवेत अतिरिक्त आयुक्त राम जोशी व इतर वैद्यकीय अधिकारी उपस्थित होते. गृह विलगीकरणमध्ये बाधित नियमांचे पालन करीत आहे की नाही याची तपासणी केली.