नागपूर : उमरेड-पवनी-कऱ्हांडला अभयारण्यातील उमरेड वन्यजीव परिक्षेत्रातील नाल्यावर दोन वाघांच्या झटापटीत गर्भवती वाघिणीचा मृत्यू झाल्याचे उघड झाले. ही वाघीण अभयारण्यात नव्याने आली असल्याचे वनाधिकाऱ्यांचे म्हणणे आहे. राज्यात गेल्या तीन आठवड्यांत चार वाघांचा मृत्यू झाला. त्यातील तीन वाघांची शिकार झाली असून, ही वाघीण झटापटीत दगावली.

उमरेड-पवनी-कऱ्हांडला अभयारण्यातील उमरेड वन्यजीव परिक्षेत्रात वाघिणीचा मृत्यू झाल्याचे आढळले. काही दिवसांपूर्वी मेळघाट, ब्रम्हपुरी, गोंदिया वनक्षेत्रात संशयास्पद स्थितीत वाघाचा मृत्यू झाला होता. उमरेड वन्यजीव परिक्षेत्रात येणाऱ्या तास नियतक्षेत्रात गस्त करीत असताना वनरक्षकाला वाघिणीचा मृत्यू झाल्याचे आढळले.

क्लिक करा - ह्रदयद्रावक! चारित्र्यावर संशय; पोटात चार महिन्याचे बाळ असतानाही पूनमने गळफास लावून केली आत्महत्या

विभागीय वनाधिकारी आर. बी. गवई यांना माहिती कळताच ते घटनास्थळी पोहोचले. पाहणी केली असता एनटीसीएच्या प्रमाणभूत कार्यपद्धतीनुसार वाघिणीला उपाश नाल्यापासून ५० मीटर जंगलात ओढत नेल्याचे दिसले. त्याच मार्गावर तिच्या पोटात सात ते आठ आठवड्याची चार पिल्ले वाटेत पडलेली दिसली. तसेच नाल्यात रक्त सांडलेले दिसले. 

एनटीसीएच्या एसओपीनुसार वाघिणीचे शवविच्छेदन करण्यात आले. त्यात वाघिणीच्या बरगड्या तुटलेला होता. गळ्याच्या खालील भागात दाताच्या खुणा आढळल्या. श्वसननलिका आवळल्यामुळे तुटलेली होती. वाघिणीचा मागील भाग, पोट अर्धवट खाल्लेले होते. शवविच्छेदन पशुवैद्यकीय अधिकारी डॉ. चेतन पातोडे, डॉ. सय्यद बिलाल, डॉ. एल. ए. खान यांनी केले.

जाणून घ्या - वाघाचा मागोवा घेण्यासाठी वनविभागाचे पथक जंगलात घालत होते गस्त; समोरचे दृष्य पाहताच बसला धक्का

दोन वाघाच्या लढाईत वाघिणीचा मृत्यू झाला असावा. यावर्षी झालेल्या व्याघ्र गणनेत ती अभयारण्यात नव्याने दाखल झाल्याचे आढळते. संपूर्ण प्रक्रिया क्षेत्र संचालक पेंच व्याघ्र प्रकल्पाचे क्षेत्र संचालक डॉ. रविकिरण गोवेकर यांच्या देखरेखीत राष्ट्रीय व्याघ्र संवर्धनाचे प्रतिनिधी संजय करकरे, वसंत कहाळकर यांच्या उपस्थितीत पार पाडली.

संपादन - नीलेश डाखोरे