नागपूर : बाळासाहेब ठाकरे गोरेवाडा आंतरराष्ट्रीय प्राणी उद्यानाच्या नावाने बऱ्याच बनावट वेबसाइट तयार केल्याचे निदर्शनात आले आहे. पर्यटकांनी बनावट वेबसाइटवर दिलेल्या माहितीवर विश्वास ठेवू नये. बाळासाहेब ठाकरे गोरेवाडा आंतरराष्ट्रीय प्राणी उद्यान नागपूरची अधिकृत वेबसाईट http://www.wildgorewada.com ही आहे. या वेबसाइटवर पर्यटकांसाठी ऑनलाइन बुकिंगची सुविधा लवकरच उपलब्ध करून देण्यात येणार आहे.

बाळासाहेब ठाकरे गोरेवाडा आंतरराष्ट्रीय प्राणी उद्यानातील इंडियन सफारीची वेळ आता वाढवण्यात आली आहे. त्यामुळे मंगळवार ते रविवार सकाळी साडेआठ ते सायंकाळी ४.४५ पर्यंत पर्यटकांसाठी सुरू करण्यात येत आहे. यापूर्वी फक्त २.३० मिनिटापर्यंत सुरू होते. आयुक्तांनी दिलेल्या सूचनेनुसार वेळ वाढविण्यात आल्याचे प्रशासनाकडून कळविण्यात आले आहे.

सोमवारी उद्यान बंद असते मात्र, त्यादिवशी १६ ऑगस्टला सुटी येत असल्याने सफारी सुरू राहणार आहे. मंगळवारी सफारी बंद ठेवण्याचा निर्णय घेण्यात आला आहे. प्राणी उद्यानातील सफारीला येणाऱ्या पर्यटकांसाठी तिकीट बुकिंग फोन पे वर करता येणार आहे. सतत पाऊस झाल्याने सफारीतील रस्ते पर्यटकांसाठी अनुकूल राहत नसल्याने ऑनलाइन तिकीट बुकिंग बंद आहे. सफारीसाठी येणाऱ्या पर्यटकांसाठी ऑनलाइन तिकीट बुकिंग सुविधा सप्टेंबर २०२१ पासून सुरू करण्यात येत आहे.

गोरेवाडा उद्यानाच्या नावाने बऱ्याच बनावट वेबसाईट तयार करण्यात आल्याचे निदर्शनात आले आहे. http://www.wildgorewada.com ही अधिकृत वेबसाईट आहे. या वेबसाईटवर पर्यटकांसाठी ऑनलाईन बुकिंगची सुविधा लवकरच उपलब्ध करून देण्यात येणार आहे. सफारीच्या एन्ट्री प्लाझा येथे पर्यटकांसाठी कॅफेटेरिया व उपहारगृहाची सुविधा उपलब्ध करून दिली आहे. त्यामुळे बाहेरचे खाद्य पदार्थ आणणे प्रतिबंधित आहे असे विभागीय व्यवस्थापक पी. बी. पंचभाई यांनी कळविले आहे.