नागपूर : युवतीचा मोबाईलने काढलेला "न्यूड फोटो' सोशल मीडियावर व्हायरल करण्याची धमकी देऊन वाडीतील जंगलात तरुणीवर बलात्कार करण्यात आला. या प्रकरणी वाडी पोलिसांनी एका युवकाला पोलिसांनी अटक केली आहे. योगेश पांडुरंग पाटील (वय 21) असे अटकेतील युवकाचे नाव आहे. त्याची 18 मार्चपर्यंत पोलिस कोठडीत घेण्यात आली आहे.
पोलिसांकडून मिळालेल्या माहितीनुसार, 2011 ते 2016 या कालावधीत पीडित तरुणी व योगेश हा तेलंगणा राज्यातील एका गावात सोबत शिकायचे. दहावीनंतर तरुणी ही कृष्णा जिल्ह्यात शिकायला गेली. याचदरम्यान योगेश याने तरुणीशी संपर्क साधला. दोघांमध्ये व्हॉट्‌सऍपद्वारे चॅटिंग व्हायला लागली. योगेश याने तरुणीला प्रेमाच्या जाळ्यात अडकविले. तरुणीचा विश्वास संपादन केल्यानंतर योगेश याने तिला "न्यूड फोटो' व्हॉट्‌सऍपवर पाठवायला सांगितले. फोटो पाठविल्यानंतर तो सोशल मीडियावर व्हायरल करण्याची धमकी त्याने तरुणीला दिली. काही दिवसांपूर्वी त्याने तरुणीला नागपुरात बोलाविले. तरुणीने नकार दिला असता अश्‍लील फोटो व्हायरल करण्याची धमकी दिली. तरुणी नागपुरात आली. योगेश हा तरुणीला घेऊन वाडीतील हायलॅण्ड पार्कजवळील जंगलात गेला. तेथे तिच्यावर बलत्कार केला.

सविस्तर वाचा - बोंबला! नागपूरच्या मेयो रुग्णालयातून चार कोरोना संशयितांचा पोबारा

त्यानंतर तो सतत तिच्यावर बलात्कार करायला लागला. अखेर 9 मार्चला तरुणीने वाडी पोलिसांत तक्रार दिली. पोलिसांनी अत्याचारासह विविध कलमान्वये गुन्हा दाखल करून योगेशला अटक केली. त्याला न्यायालयात हजर केले. न्यायालयाने त्याची 18 मार्चपर्यंत पोलिस कोठडीत रवानगी केली.