नागपूर : विदर्भात नवतपाचा प्रभाव हळूहळू कमी होत असला तरी, उकाडा व उन्हाचे चटके कायम आहेत. चंद्रपूर येथे पाऱ्याने अचानक उसळी घेत विदर्भात बुधवारी उच्चांक गाठला. तर नागपूर व अकोल्याच्या तापमानात सलग दुसऱ्या दिवशी अंशतः घसरण झाली. उन्हाची लाट आणखी दोन दिवस कायम राहणार असून, शनिवारपासून पूर्वमोसमी पावसाची शक्यता वर्तविण्यात आली आहे.
सोमवारी 47 अंशांवर गेलेला नागपूरचा पारा दोन दिवसांत एका अंशाने घसरून आज 46 अंशांवर आला. अकोल्याचा पाराही 47.4 वरून 44.6 अंशांवर आला. चंद्रपुरात मात्र उन्हाचा भडका उडाला. काल वादळी पावसामुळे कमी झालेले तापमान चोवीस तासांत 1.2 अंशांनी वाढून 46.4 वर गेले. बुधवारी विदर्भात सर्वाधिक तापमानाची नोंद चंद्रपुरात करण्यात आली.
बुलडाण्याचा अपवाद वगळता विदर्भातील सर्वच जिल्ह्यांमध्ये उन्हाची तीव्र लाट दिसून आली. उकाडा व उन्हामुळे नागरिक कमालीचे त्रस्त आहेत. दिवसाच नव्हे, रात्रीसुद्धा उन्हाच्या झळा जाणवतात. रेड व ऑरेंज अलर्टचा इशारा असल्याने विदर्भातील उष्ण लाट आणखी दोन दिवस कायम राहणार आहे. त्यानंतर वातावरणात बदल होऊन अवकाळी पावसाची दाट शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.