नागपूर: नागपुरात कोरोनाचे थैमान सुरूच आहे. दिवसेंदिवस कोरोनाग्रस्तांचा आकडा वाढतच चालला आहे. दररोज कोरोनाचे शेकडो रुग्ण आढळून येत आहे. पण नागपूकरांना आता कोरोनाची भीती राहिली नाही का असा सवाल उपस्थित होतोय. त्यात सोशल डिस्टंसिंगचे धाब्यावर बसवून कोरोना संशयितांची तोबा गर्दी खासगी लॅबच्या बाहेर बघायला मिळत आहे.
उपराजधानीत एकमेव खासगी प्रयोगशाळेत कोरोना विषाणूची चाचणी होते. यामुळे नागपुरातील शेकडो मध्यमवर्गीयांची एकाच खासगी लॅबवर चाचणीसाठी गर्दी होत आहे. वशेष असे की, कोरोनाचा प्रकोप दूर ठेवायचा असेल तर सार्वजनिक जीवनात सामाजिक आणि सुरक्षित अंतर ठेवण्याचा सल्ला प्रशासनाकडून दिला जातो. मात्र याला कोरोना संशयितांकडूनच हरताळ फासला जात असल्याचे चित्र येथे दिसून येते.
कोरोनाचा नागपुरात शिरकाव झाल्यानंतर मेयो, मेडिकलशिवाय श्रीमंत, मध्यमवर्गीयापासून तर गरीबांना चाचणीचा दुसरा पर्याय नव्हता. मात्र रामदासपेठेत एका खासगी प्रयोगशाळेत कोरोना चाचणी करण्यास परवानगी मिळाली आणि मध्यमवर्गीयांची या खासगी प्रयोगशाळेसमोर गर्दी होऊ लागली. जिल्हा प्रशासनाने सामाजिक अंतर पाळा आणि कोरोनाला दूर ठेवा असे ओरडून ओरडून सांगितले, मात्र कोरोना संशयित एकून घेण्याच्या तयारीत नाही. बेजबादारपणे येथे सारी संशियत नागरिक वागत आहेत.
यामुळे कोरोनाचा प्रादुर्भाव वाढत असल्याचे दिसून येते. विशेष असे की, मागील पंधरा दिवसांपासून खासगी प्रयोगशाळेत चाचण्यांची संख्या वाढत आहे. एक हजाराजवळपास या प्रयोगशाळेत चाचण्या झाल्या आहेत, अशी माहिती पुढे आली आहे. अशा बेजबाबदारपणे वागणाऱ्या नागरिकांमुळे नागपुरात कोरोना वाढत आहे, अशी चर्चा पसरली आहे.
कोरोना विषाणू निदानाच्या सुविधा वाढल्या आहेत. कोरोनाबाधितींची संख्या वाढत आहे. पूर्वीच्या तुलनेत घशातील स्त्राव नमुन्याचा अहवाल येण्याचा कालावधी देखील सात तासांवरून अवघ्या एक तासावर आला आहे. अँटिजेन रॅपिड चाचणीमुळे हे शक्य झाले. भारतीय वैद्यकीय चिकित्सा परिषदेच्या दिशादर्शक सुचनांमुळे खासगीतील प्रयोगशाळांनाही कोरोना दानाची परवानगी देण्यात आली आहे.
मात्र रामदासपेठेतील प्रयोगशाळेसमोर एक सुरक्षा रक्षक तैनात असतो. संशयितांना बाजुला करण्याचा प्रयत्न करतो, परंतु व्यर्थ ठरते. संशयित रुग्णाच्या चाचणीचा अहवाल येईपर्यंत याच परिसरात ते फिरत असतात. त्यामुळे कोरोनाबाधित आलेल्यांचा मोठा धोका आहे. महापालिका आरोग्य विभागाने या खासगी प्रयोगशाळेसमोरच्या बेजबाबदार नागिरकांना तसेच खासगी प्रयोगशाळा संचालकांना तशी समज द्यावी अशी मागणी काही नागरिक करत आहेत.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.