नागपूर : चाची 420 प्रीती दासच्या अटकेसाठी भंडारा पोलिसांनी हालचाली सुरू केल्या आहेत. लवकरच पोलिस तिला अटक करणार असल्याची माहिती आहे. भंडारा येथील एका प्रकरणात प्रीती ही फरार आहे. दरम्यान, पोलिस कोठडी संपल्याने गुन्हेशाखा पोलिसांनी प्रीतीला बुधवारी न्यायालयात हजर केले होते. न्यायालयाने तिच्या पोलिस कोठडीत एक दिवसाची वाढ केली आहे.
पाचपावली, जरीपटका, लकडगंज आणि सीताबर्डी पोलिस ठाण्यात प्रीती दासविरुद्ध अनेक गुन्हे दाखल आहेत. या प्रकरणांचा तपास गुन्हे शाखा करीत आहे. गुन्हे शाखेकडेही तिच्याविरुद्धच्या तक्रारींचा ओघ सुरूच आहे. जरीपटका पोलिस ठाण्यात तिच्याविरुद्ध एकाला 25 हजारांनी लुबाडण्याचा गुन्हा दाखल आहे.
प्रीतीने भरोसा सेलच्या नावाखाली एका व्यक्तीला धमकावून त्याच्याविरुद्ध गुन्हा दाखल न करवून घेण्यासाठी 25 हजार उकळले होते. याप्रकरणी पोलिसांनी आतापर्यंत 10 हजार रुपये जप्त केले आहे. उर्वरित पैशांचा शोध घेण्यासाठी पोलिसांची तिची पोलिस कोठडी वाढवून मागितली. यामुळे न्यायदंडाधिकाऱ्यांनी एक दिवसांची पोलिस कोठडी वाढवून दिली आहे.
बुधवारी गुन्हेशाखा पोलिसांनी प्रीतीची कसून चौकशी केली. पोलिसांनी तिच्याशी संबंधित व्यक्तींचीही चौकशी केली. मात्र, पोलिसांना ठोस माहिती मिळू शकली नाही. प्रीती दास प्रकरणात एका पोलिस अधिकाऱ्यावर कारवाई होणार असल्याची चर्चा विभागात आहे. प्रीतीविरुद्ध आतापर्यंत फसवणूक व खंडणीचे एकूण चार गुन्हे दाखल झाले आहेत.
'लुटेरी दुल्हन' नावाने ओळखली जाणारी ठगबाज प्रीती दास हिला गुन्हे शाखा पोलिसांनी बुधवारी प्रथम श्रेणी न्यायदंडाधिकाऱ्यांसमक्ष हजर केले. न्यायालयाने तिला आणखी एका दिवसाची पोलिस कोठडी वाढवून मिळाली. तिने लुबाडलेले पैसे शोधण्यासाठी ही पोलिस कोठडी वाढवून मिळाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.