नागपूर :  जिल्ह्यात बर्ड फ्लूच्या विषाणूची लागण बदकांपासून कोंबड्यांपर्यंत पोहोचल्याचा प्राथमिक अंदाज व्यक्त केला जात आहे. मात्र, प्रतिबंधित क्षेत्रातील पक्षांच्या वाहतुकीवर बंदी असताना बर्ड फ्लूचा विषाणू नागपुरात आला कसा, हा मोठा प्रश्न असून याची चौकशी करण्यात येत आहे. 

कोरोनाचा दहशत कायम असताना पक्षांना होणाऱ्या बर्ड फ्लूच्या विषाणूने थैमान घातले आहे. देशातील सहा राज्यांमध्ये विषाणूने धुमाकुळ घातला असून महाराष्ट्रातही त्याने पाय पसरले आहे. नागपूर जिल्ह्यात पक्षी कोंबड्या मरण पावल्याच्या चार घटना घडल्या. यातील तीन अहवाल निगेटिव्ह आल्यानंतर बुट्टीबोरी नजीकच्या वारंगा गावातील एकी पोल्ट्री फार्ममधील कोंबड्याचा मृत्यू बर्ड फ्लूने झाल्याचे समोर आले. विशेष म्हणजे दोन दिवसापूर्वीच अहवाल पॉझिटिव्ह आला असताना विभागाकडून तो दडवून ठेवण्यात आला. कुणालाही याची माहिती दिली जात नव्हती. याबाबत गुप्तता ठेवण्याचे कारण काय असा प्रश्न  यानिमित्ताने उपस्थित केला जात आहे. 

नक्की वाचा - जन्मदाता बापच करत होता घृणास्पद कृत्य; अखेर दिरानं उचलला विडा अन् घडला थरार

मिळालेल्या माहितीनुसार या फार्ममध्ये ९५ कोंबड्या होत्या. येथील ४५ कोंबड्या मरण पावल्या होत्या. अहवाल पॉझिटिव्ह आल्यानंतर एक किलोमीटर परिसरातील ६६८ कोंबड्या मारून त्यांची विल्हेवाट लावण्यात आली. या परिसरातूनच बदकांची वाहतूक झाली होती. त्यांच्यापासून कोंबड्यांना लागण झाल्याची प्राथमिक अंदाज विभागाला आहे.

धापेवाडात४० कोंबड्या मृत

धापेवाडा परिसरात ४० कोंबड्या मृत झाल्याची माहिती आहे. या कोंबड्यांचे नमुने तपासणीसाठी भोपालच्या  प्रयोगशाळेत पाठविण्यात आल्याचे विभागाकडून सांगण्यात आले.

जाणून घ्या - आधी कापली हाताची नस, रुणालयात जाताना अचानक घेतली उडी अन् घडला थरकाप उडवणारा प्रसंग

बदकांच्या बाबतीत अद्याप माहिती नाही. परंतु याची चौकशी करण्याच्या सूचना विभागाला देण्यात आल्या. यावर प्रतिबंधात्मक उपाय करण्यासाठी माफसूच्या तज्ज्ञांची सुद्धा मदत घेण्यात येणार आहे.
तापेश्वर वैद्य, 
सभापती, पशु व संवर्धन समिती, जि.प.

संपादन - अथर्व महांकाळ