mother is no more as son attacked on her in Nagpur
mother is no more as son attacked on her in Nagpur 
नागपूर

शुल्लक वादातून निर्दयी मुलानं वृद्ध आईला केली प्रचंड मारहाण; अखेर मालवली प्राणज्योत 

अनिल कांबळे

नागपूर ः घरातील वीजमिटर कापल्याच्या कारणावरून मुलाने वृद्ध आईशी वाद घालून मारहाण केली. या मारहाणीत वृद्ध महिला गंभीर जखमी झाल्याने तिचा मृत्यू झाला. ही हृदयद्रावक घटना अजनीत उघडकीस आली असून मुलावर पोलिसांनी हत्याकांडाचा गुन्हा दाखल केला आहे. सुशिला ब्रीजलाल बिलोने (५४, सुजाता नगर, रामटेके गल्ली, अजनी) असे मृत पावलेल्या वृद्धेचे नाव असून आरोपी मुलगा तेजलाल ब्रीजलाल बिलोने (४०) याला अटक केली आहे.

पोलिसांनी दिलेल्या माहितीनुसार, आरोपी तेजलाल बिलोने हा वृद्ध आई आणि लहाण भावासह दुमजली घरात राहतो. त्यांनी गेल्या तीन वर्षांपासून वीज बील न भरल्यामुळे वीज कंपनीने त्यांच्या घरातील वीज पुरवठा बंद केला. तेव्हापासून ते वीज न वापरता दिव्याच्या उजेडात राहत होते. 

२६ नोव्हेंबरला तेजलालकडे पाहुणे आले. घरात वीज नसल्यामुळे आई सुशिला यांनी बडबड सुरू केली. ‘तू वीज बील न भरल्यामुळे अंधारात राहावे लागत आहे. घरात पाहुणे आले असून त्यांना कुठे झोपवावे?’ असा प्रश्‍न सुशिला यांनी केला. त्यामुळे तेजलाल चिडला. त्याने आईशी वाद घातला आणि शिवीगाळ केली. त्यावेळी वरच्या माळ्यावर राहणाऱ्या लहान भावाने समजूत घातली आणी भांडण मिटले. 

२८ नोव्हेंबरला आईने झापल्याची खुमखुमी मनात ठेवून तेजलालने मध्यरात्री आईशी वाद घातला. त्याने आईला जबर मारहाण केली. मारहाणीमुळे ती बेशुद्ध पडली. त्यानंतर तेजलाल झोपायला निघून गेला. सकाळपर्यंत वृद्धेचा मृत्यू झाला. सकाळी त्याने आईचा मृत्यू झाल्याची बोंब ठोकली. अंत्यसंस्कार करण्याची तयारी केली. लहान भावाने आईला मेडिकलमध्ये दाखल केले. डॉक्टरांनी मृत घोषित केले. 

पोलिसांनी आकस्मिक मृत्यूची नोंद करून तपास सुरू केला. तेजलालने केलेल्या मारहाणीत सुशिलाचा मृत्यू झाल्याचे निष्पन्न झाले. पोलिस हवालदार अविनाश श्रीरामे यांच्या तक्रारीवरून हत्याकांडाचा गुन्हा दाखल करून पोलिसांनी तेजलाल बिलोनेला अटक केली.

संपादन - अथर्व महांकाळ

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IPL 2024 LSG vs RR : केएल शेर तर संजू सवा शेर! राजस्थानचा एक पाय प्ले ऑफमध्ये

DC vs MI : गोलंदाजीतली 'गळती' मुंबईच्या मुळावर; बॅटिंगमध्ये फर्स्ट क्लास तर बॉलिंगमध्ये नापास

Jolly LLB 3 : आता रंगणार जॉली विरुद्ध जॉली केस; सिनेमाच्या शूटिंगबाबत महत्त्वाची अपडेट आली समोर

Google वर जाहिराती करण्यासाठी भाजपने खर्च केले 100 कोटी; BJP पहिल्या स्थानावर तर काँग्रेस कितव्या स्थानावर? वाचा सविस्तर...

CM Yogi Aadityanath : ''काशी अन् अयोध्येनंतर आता मथुरेकडे प्रस्थान...'' योगी आदित्यनाथांचे स्पष्ट संकेत

SCROLL FOR NEXT