Murder of a young man over a gambling money dispute 
नागपूर

सिद्धेश्वर मजुरीचे सोळाशे रुपये घेऊन जात असताना लाली गालावर चोप देऊन निघून गेला, पुढे...

दिलीप गजभिये

खापरखेडा (जि. नागपूर) : जुगारातील पैशाच्या देवाणघेवाणीवरून वाद उद्भवला. यानंतर सिल्लेवाडा येथे बुधवारी सायंकाळी पाच वाजता सिद्धनाथ यादव आणि अमरनाथ यादव या दोन भावांनी मिळून लाली हसन खान आणि जाहिद हसन खान या दोघा भावांवर लोखंडी पाईपने प्राणघातक हल्ला केला. या हल्ल्यानंतर दोघेही फरार झाले. लाली खान याचा कामठीत उपचारादरम्यान मृत्यू झाला, तर जाहिदवर उपचार सुरू आहेत. ही घटना सिल्लेवाडा येथील वार्ड क्र. ४ येथे सिद्धेश्वर याच्या घरासमोर घडली.

पोलिसांनी दिलेल्या माहितीनुसार, मजुरीचे पैसे घेऊन सिद्धेश्वर घरी जात होता. दरम्यान, लालीने त्याच्या जवळचे १,६०० रुपये हिसकावून घेतले आणि त्याचा गालावर चोप देऊन निघून गेला. यानंतर सिद्धेश्वर घरी गेला. त्याच्यापाठेपाठ लाली व त्याचा भाऊ जाहिद दोघेही त्याच्या घरी जाऊन मारझोड सुरू केली. हे बघून अमरनाथ तेथे आला. सिद्धेश्वर याने लोखंडी पाईपने मारून लाली व जाहिद यांना गंभीर जखमी केले व पसार झाले. तेथून ते अंकित यादव याच्या घरी जाऊन लपून बसले.

घटनास्थळावरून लाली व जाहिदला त्याच्या मित्रांनी उचलून आशा हॉस्पिटल कामठी येथे नेले. घटनेची माहिती मिळाल्यावर घटनास्थळावर खापरखेडा पोलिस व स्थानिक गुन्हे शाखा नागपूर ग्रामीणची चमू दाखल झाली. स्थानिक गुन्हे शाखेचे विरेंद्र नरड, खापरखेडा पोलिस ठाण्याचे नितेश पिपरोदे आणि नुमान शेख या तिघांनी मिळून गुप्त माहितीच्या आधारावर अंकित यादव यांच्या घरून सिद्धेश्वर आणि अमरनाथ यांना ताब्यात घेतले. पोलिसांनी लोखंडी पाईप जप्त केला. घटनास्थळावर पोलिस अधीक्षक राकेश ओला यांनी भेट दिली. ठसे तज्ज्ञांची चमू दाखल झाली. दोन्ही आरोपीस अटक करण्यात आली.

लाली खानची गुन्हेगारी पार्श्वभूमी

स्थानींकाच्या चर्चेनुसार लाली आणि सिद्धेश्वर हे दोघे मित्र आहेत. जुगाराच्या पैशाच्या देवाणघेवाणीवरून दोघांमध्ये वाद झाला व ही घटना घडली. या प्रकरणातील मृत लाली खान याची गुन्हेगारी पार्श्वभूमी आहे. त्याच्यावर खापरखेडा पोलिसांत गुन्ह्याची नोंद असल्याचे सांगण्यात येते. अधिक तपास खापरखेडा पोलिस करीत आहेत.

संपादन - नीलेश डाखोरे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IND vs ENG 3rd Test: OUT or NOT OUT? जो रूटने अफलातून झेल, नोंदवला वर्ल्ड रेकॉर्ड; राहुल द्रविडचा विक्रम मोडला, पण रंगलाय वाद

World Heritage status: अभिमानाची बाब! शिवरायांच्या १२ किल्ल्यांचा युनेस्कोच्या यादीत समावेश

Shambhuraj Desai : संजय राऊतांच्या वक्तव्याची पर्यटनमंत्री शंभुराज देसाईंनी उडवली खिल्ली

खरीप हंगामात ८१,००० शेतकऱ्यांना ११४० कोटींचे पीककर्ज! ६३ हजार ८४९ शेतकऱ्यांच्या १०३० कोटी रुपयांच्या पीककर्जाचे बॅंकांनी केले नवे-जुने

Latest Marathi News Updates: देश-विदेशासह राज्यात दिवसभरात काय घडलं? वाचा एका क्लिकवर

SCROLL FOR NEXT