Nagpur Car Accident: कोराडी पोलिस हद्दीत इडन गार्डन हॉटेलसमोर सात वर्षीय चिमुकल्यास कारने चिरडले. ही थरारक घटना रविवारी (ता.३१) सांयकाळी सहा वाजताच्या सुमारास घडली आहे.

याप्रकरणी पोलिसांनी कार चालकाविरोधात गुन्हा दाखल केला आहे.
शिवम योगराज मेडोलीया असे चिमुकल्याचे नाव आहे. पोलिसांनी दिलेल्या माहितीनुसार, योगराज मेडोलिया (वय ४२ रा. गुडलक सोसायटी, कोराडी) हे परिवारासह नरखेड येथून कोराडी येथे सवारी ऑटोने कोराडी मार्गावरील इडन गार्डनवर आले.

यावेळी ते पायदळ रस्ता ओलांडत असताना, त्यांच्या सात वर्षाचा मुलगा शिवम हा थोडा समोर गेला. यादरम्यान एक कार भरधाव वेगाने आली. तिने चिमुकल्यास धडक दिली. त्यामुळे शिवम गंभीर जखमी झाला. (Latest Marathi News)

यादरम्यान कारचालक पळून गेला. शिवमला नजिकच्या खासगी रूग्णालयात दाखल केले असता, त्याला डॉक्टरांनी मृत घोषित केले. याप्रकरणी योगराज मेडोलिया यांनी दिलेल्या तक्रारीवरून कोराडी पोलिसांनी गुन्हा दाखल करून आरोपीचा शोध सुरू केला आहे.