नागपूर : आजवर आपण वेगवेगळ्या प्रकारच्या विक्रमांच्या बातम्या ऐकल्या व वाचल्या असतील. कुणी सलग गाण्याचा विक्रम करतो तर कुणी अनेक तास नाचण्याचा विक्रम करतो. यापैकी बहुतांश विक्रम एकट्या व्यक्तीने केलेले आहेत. मात्र कुटुंबासह एखादा विक्रम केल्याचे क्वचितच कानावर आले असेल. असाच एक विक्रम नागपुरातील एका पोलिसाने केला आहे.
पोलिस शिपाई सुखदेव धुर्वे यांनी कुटूंबासह मुंबईच्या सागराची एलिफंटा ते गेटवे ऑफ इंडिया असे 16 किलोमीटरचे सागरी अंतर 4 तास 50 मिनीटात पूर्ण केले.
या कामगिरीची नोंद एशियन बूक ऑफ रेकॉर्डमध्ये करण्यात आली आहे. याबद्दल पोलिस आयुक्त डॉ. भूषणकुमार उपाध्याय यांनी 50 हजार रुपयांचा पुरस्कार देऊन धुर्वे यांचा सत्कार केला.
पोलिस आयुक्त डॉ. भूषणकुमार उपाध्याय यांनी धुर्वे यांनी विक्रमी साहस केले ते वाखाणण्याजोगे असल्याचे सांगून त्यांना पुढील वाटचालीसाठी शुभेच्छा दिल्या. यापूर्वी सुखदेव धुर्वे यांनी जिब्राल्टर खाडी, मुंबई येथील धरमतर ते गेटे वे ऑफ इंडिया, रेवस ते गेट वे ऑफ इंडिया, मोरा ते गेट वे ऑफ इंडिया अशा विविध सागरी अभियानात भाग घेतला आहे.
जलतरणपटू धुर्वेचा सत्कार
या यशाबद्दल सहपोलिस आयुक्त रविंद्र कदम, अपर पोलीस आयुक्त (गुन्हे) नीलेश भरणे, पोलिस उपआयुक्त गजानन राजमाने, पोलीस उपआयुक्त विक्रम साळी, सहायक पोलिस निरीक्षक मनोज सुतार यांनी धुर्वे यांचे अभिनंदन केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.