Nagpur Crime against Woman: एकतर्फी प्रेमातून अल्पवयीन मुलीला दिवसाढवळ्या, भररस्त्यात अडवून युवकाने जीवे मारण्याची धमकी दिली. ही घटना गुरुवारी (ता.११) सकाळी नऊ वाजताच्या सुमारास अंबाझरी पोलिस ठाण्याच्या हद्दीत घडली.

याप्रकरणी पोलिसांनी गुन्हा दाखल करीत, आरोपीला अटक केली आहे. सूरज हावरे (वय ३० रा. अंबाझरी) असे अटकेतील आरोपीचे नाव आहे. तो १६ वर्षीय पीडित मुलीकडे कायमच वाईट नजरेने बघायचा.

गुरुवारी सकाळी ९ वाजताच्या सुमारास शिकवणील जाण्यासाठी निघाली. आरोपीने तिचा पाठलाग करीत, ‘तू माझ्यासोबत बोलली नाही तर तुला चाकूने मारीन’, अशा शब्दात तिला धमकावले. तिने हा प्रकार आईला सांगतला. आईने मुलीसोबत अंबाझरी पोलिस ठाणे गाठून तक्रार दिली. पोलिसांनी घटनेचे गांभीर्य लक्षात घेत तातडीने गुन्हा नोंदवीत आरोपीला अटक केली. (Latest Marathi News)