Nagpur Loksabha Candidate Application : लोकसभा निवडणुकीची रणधुमाळी सुरू झाली आहे. देशात मतदानाची प्रक्रिया सात टप्प्यांमध्ये होणार असून पहिल्या टप्प्यामध्ये नागपूर व रामटेक लोकसभेसाठी मतदान होणार आहे. आजपासून अर्ज घेण्यासोबत दाखल करण्याची प्रक्रिया सुरू झाली. नागपूरसाठी ४३ तर रामटकेसाठी २५ इच्छुक उमेदवारांनी अर्ज घेतले. तर नागपूरसाठी एका उमेदवाराकडून अर्ज दाखल करण्यात आला.

जिल्ह्यात १९ एप्रिल २०२४ रोजी मतदान होणार आहे. नागपूर लोकसभा मतदारसंघ निवडणुकीसाठी व्यंकटेश्वरा महा स्वामी यांनी आज अर्ज दाखल केला आहे. तर पहिल्याच दिवशी नागपूर लोकसभेसाठी ४३ उमेदवारांनी ८२ अर्ज, तर रामटेक लोकसभा मतदार संघासाठी २५ उमेदवारांनी ३१ अर्ज घेतले. २७ मार्चपर्यंत सकाळी ११ ते ३ पर्यंत अर्ज दाखल करता येणार आहे.