जलालखेडा (जि.नागपूर) : नागपूर हे कोरोनाच्या "रेड झोन'मध्ये असून शासनाच्या विविध विभागांचे अधिकारी, कर्मचारी हे नियमित नागपूरवरून "अपडाउन' करीत असल्याने ते ग्रामीण भागासाठी कोरोनाचे वाहक ठरणार तर नाही, असा प्रश्न उपस्थित करण्यात येत आहे.

अधिक वाचा :  ओढ गावाकडची, रस्ता खाचखळग्यांचा, पोटात भूक अन्‌ मनात भीती...

ग्रामीण जनतेसाठी धोकादायक
लॉकडाउनच्या काळात नरखेड शहरात महत्त्वाची कार्यालये सुरू आहेत. आता सध्या लॉकडाउनची स्थिती असतानाही अधिकारी व कर्मचाऱ्यांचे "अपडाउन' हे ग्रामीण भागातील जनतेसाठी धोकादायक ठरू शकते. जी काही कार्यालये, बॅंका सुरू आहेत, तेथील काही अधिकारी व कर्मचारी नागपूरवरून "अपडाउन' करीत असल्याने ग्रामीण जनतेमध्ये दहशत पसरली आहे. सध्या नागपूरमध्ये कोरोनाचे सतत रुग्ण वाढत आहेत. येथूनच मोठ्या प्रमाणात शासकीय कार्यालयाचे, बॅंकेचे अधिकारी व कर्मचारी "अपडाउन' करीत असल्यामुळे लॉकडाउनचे तर हे उल्लंघन करीतच आहे, शिवाय ग्रामीण जनतेचे आरोग्यही धोक्‍यात आणत आहे.

अधिक वाचा :  नागपुरवालो, चप्पे चप्पे मे पुलिस तुमपे नजर बनाये हुवे है....

ओळखपत्र असल्यामुळे मज्जाव नाही
सध्या तालुक्‍यातील पंचायत समिती, महसूल विभाग, आरोग्य विभाग, पोलिस विभाग, महावितरण व अन्य विभागाची जी काही कार्यालये आहेत, यातील काही अधिकारी व कर्मचारी नागपूरने ये-जा करतात. गावात एखादा व्यक्ती बाहेरून आल्यास त्याला काही दिवस विलगीकरणात घरीच ठेवण्यात येते, मग हे अधिकारी, कर्मचारी नागपूरहून दररोज जाणे-येणे करीत आहेत, त्यांचे काय? रेल्वे किंवा बस आदी साधने बंद असल्याने अधिकारी, कर्मचारी चार ते पाच जण मिळून कारने कार्यालयात येत आहेत. त्यामुळे सोशल डिस्टन्सिंगचा फज्जा उडविला जात आहे. तसेच या सर्व अधिकारी व कर्मचाऱ्यांकडे त्यांच्या कार्यालयाचे ओळखपत्र असल्यामुळे त्यांना कोणी अडवीतदेखील नाही.

अधिक वाचा : झुरळ मारून अंगणात का फेकले, यावरून शेजा-याने घडवीले "महाभारत'

ठाणेदारांना दिल्या सूचना
नागपूरवरून "अपडाउन' करणाऱ्या अधिकारी व कर्मचाऱ्यांना मज्जाव करण्यासाठी जलालखेडा ग्रामपंचायतने जलालखेडा येथील ठाणेदार यांना पत्र दिले आहे. तसेच या पत्रांची प्रतिलिपी गावातील सर्वच शासकीय विभाग व बॅंक यांनादेखील दिल्या आहेत.